சினிமா
AK 62 படத்தின் இயக்குநர் இவர் தானாம்! இசையமைப்பாளர் யாரு தெரியுமா? அதிகாரப்பூர்வ அப்டேட் எப்போ?
துணிவு படம் வாரிசு படத்தின் வசூலை முறியடிக்க முடியவில்லை என்றாலும் நடிகர் அஜித்துக்கு ஓவர்சீஸில் மிகப்பெரிய மார்க்கெட்டை ஓபன் செய்திருக்கிறதாம். அந்த காரணத்திற்காகத்தான் லைகா நிறுவனம் இயக்குநர் விக்னேஷ் சிவனின் உப்புமா கதையை மாற்றி விட்டு மீண்டும் அஜித்தை வைத்து ஆக்ஷன் படத்தை எடுக்க முடிவு செய்திருப்பதாக கூறுகின்றனர்.
விக்னேஷ் சிவன் இயக்கத்தில் சமையல் கலைஞராக அஜித் நடிக்கப் போகிறார் என்றும் ரெஸ்டரன்ட் நடத்துபவர் லவ் டிராக் இருக்கும் என்றெல்லாம் கூறப்பட்டன. ஆனால், அஜித் சமீப காலமாக லவ் டிராக்கே வேண்டாம்ப்பா சாமி என சொல்லி வரும் நிலையில், விக்னேஷ் சிவனிடம் கதையை மாற்ற சொல்லி கேட்டுள்ளனர். ஆனால், அவர் கிண்டி கொண்டு வந்த வெர்ஷன் பிடிக்காமல், அப்படியே கிளம்பிடுங்க தம்பி என அனுப்பி வைத்திருக்கின்றனர்.
#image_title
நடிகர் விஜய்க்காக வெகு காலமாக பக்கா ஆக்ஷன் கதையுடன் சுற்றி வந்த இயக்குநர் மகிழ் திருமேனிக்கு தற்போது ஏகே 62 படத்தை இயக்கும் ஜாக்பாட் அடித்திருப்பது 90 சதவீதம் உறுதியாகிவிட்டது. தடம், தடையற தாக்க, மீகாமன் மற்றும் கலகத் தலைவன் படங்களை இயக்கிய மகிழ் திருமேனி தான் அஜித்தின் 62வது படத்தை இயக்கப் போகிறாராம்.
#image_title
சந்தோஷ் நாராயணன் இந்த படத்துக்கு இசையமைக்க உள்ளார் என தகவல்கள் கசிந்துள்ளன. நாளை அல்லது நாளை மறுநாள் அதிகாரப்பூர்வ அறிவிப்பு புகைப்படத்துடன் வெளியாகும் என தெரிகிறது.
