ஏர்டெல் – கூகுள் இணைப்பு: வாடிக்கையாளர்களுக்கு 6 மாதம் இலவச Google One சேமிப்பகம்!

ஏர்டெலும் கூகுளும் இணைந்து வாடிக்கையாளர்களுக்கு புதிய சர்ப்ரைஸ்!

பாரதி ஏர்டெல் தனது போஸ்ட்பெய்டு மற்றும் ஹோம் வைஃபை வாடிக்கையாளர்களுக்காக கூகுளுடன் ஒரு சிறப்பான கூட்டணியை ஏற்படுத்தியுள்ளது. இந்த ஒத்துழைப்பின் கீழ், வாடிக்கையாளர்கள் 100 ஜிபி Google One கிளவுட் சேமிப்பகத்தை 6 மாதங்களுக்கு முழுமையாக இலவசமாக பெற முடியும். இந்த சேமிப்பகத்தை மேலும் 5 உறுப்பினர்களுடன் பகிர முடியும் என்பதும் குறிப்பிடத்தக்கது.

இந்த புதிய சேவையின் மூலம் வாடிக்கையாளர்கள் தங்களது புகைப்படங்கள், வீடியோக்கள், ஆவணங்கள் மற்றும் முக்கியமான கோப்புகளை பாதுகாப்பாக கிளவுடில் சேமிக்க முடியும். மேலும், ஆண்ட்ராய்டு பயனர்களுக்கு வாட்ஸ்அப் அரட்டைகள் கூட கூகுள் சேமிப்பகத்தில் பேக்-அப் செய்யப்படுவதை இது எளிதாக்குகிறது.

ஏர்டெல் மார்க்கட்டிங் தலைவர் சித்தார்த் சர்மா கூறியதாவது:

“வாடிக்கையாளர்களின் சேமிப்பு தேவையை புரிந்து கொண்டு, நம்பகமான மற்றும் பாதுகாப்பான கிளவுட் சேமிப்பக சேவையை வழங்க கூகுளுடன் இணைந்து செயல்படுவதில் நாங்கள் மகிழ்ச்சி அடைகிறோம். இது அனைத்து போஸ்ட்பெய்டு மற்றும் ஹோம் வைஃபை வாடிக்கையாளர்களுக்கும் ஒரு பெரிய நன்மை.”

கூகுள் APAC துணைத் தலைவர் கரேன் தியோ கூறியதாவது:

“ஏர்டெலுடன் இணைந்து இந்திய வாடிக்கையாளர்களுக்கு கூகிள் ஒன் சேவையை வழங்குவதை பெருமையாகக் கருதுகிறோம்.”

இந்த சேவையை ஏர்டெல் தாங்க்ஸ் செயலியின் மூலம் செயல்படுத்தலாம். 6 மாத இலவச காலத்திற்குப் பிறகு, மாதத்திற்கு ₹125 கட்டணம் சேர்க்கப்படும். வாடிக்கையாளர் விருப்பமின்றி தொடர விரும்பவில்லை என்றால் சந்தாவை ரத்துசெய்யலாம்.

கூகுள் ஒன் கிளவுட் சேமிப்பகத்தின் முக்கிய நன்மைகள்:

• 100 ஜிபி சேமிப்பிடம் – Google Photos, Drive, Gmail ஆகியவற்றில்

• WhatsApp பேக்-அப் – ஆண்ட்ராய்டு சாதனங்களில்

• பழைய/புதிய தொலைபேசிகளில் தரவு பாதுகாப்பு

• 5 நபர்களுடன் பகிர்வதற்கான குடும்ப வசதி