’தளபதி 65’ படபூஜையில் நடிகர் கவின்: புதிய தகவல்

தளபதி விஜய் நடிக்க இருக்கும் ’தளபதி 65’ படத்தின் பூஜை இன்று சென்னையில் நடைபெற்றது என்பதும் இந்த பூஜையில் விஜய், இயக்குனர் நெல்சன் உள்பட பலர் கலந்து கொண்டனர் என்ற செய்தியை ஏற்கனவே பார்த்தோம்.

இந்த நிலையில் சற்று முன்னர் சன் பிக்சர்ஸ் நிறுவனம் தனது டுவிட்டர் பக்கத்தில் ’தளபதி 65’ படத்தின் பூஜை குறித்த புகைப்படங்களை வெளியிட்டுள்ளது. இந்த புகைப்படத்தில் தளபதி விஜய் ஹேர் ஸ்டைல் வித்தியாசமாகவும் அட்டகாசம் உள்ளார் என்பது குறிப்பிடத்தக்கது.

மேலும் இந்த புகைப்படத்தில் நடிகர் கவின் இருப்பது தெரியவந்து உள்ளது. இதனை அடுத்து அவர் இந்த படத்தில் நடிக்கிறார் என்று ஒரு சிலர் டுவிட்டரில் பதிவு செய்து வருகின்றனர். ஆனால் இந்த படத்தில் கவின் உதவி இயக்குனராக பணி புரிய உள்ளதாக தகவல்கள் வெளிவந்துள்ளன. ஏற்கனவே நெல்சன் இயக்கிய ’டாக்டர்’ படத்திலும் கவின் உதவி இயக்குனராக பணிபுரிந்தார் என்பது குறிப்பிடத்தக்கது. இதையடுத்து தற்போது தளபதி 65 படத்திலும் அவர் உதவி இயக்குனராக பணிபுரியும் உள்ளார் என்ற தகவல் வெளிவந்துள்ளது.

விஜய் ஜோடியாக பூஜா ஹெக்டே நடிக்கும் இந்த படத்திற்கு அனிருத் இசையமைக்க உள்ளார் என்பதும் சன் பிக்சர்ஸ் நிறுவனம் சுமார் 150 கோடி செலவில் இந்த படத்தை தயாரிக்க உள்ளது என்பதும் குறிப்பிடத்தக்கது.

#Thalapathy65Poojai@actorvijay @Nelsondilpkumar @anirudhofficial @hegdepooja #Thalapathy65 pic.twitter.com/BYm9yygzWj

— Sun Pictures (@sunpictures) March 31, 2021