மக்கள் நலப்பணியாளர்களுக்கு மீண்டும் வேலை: சம்பளம் எவ்வளவு தெரியுமா?

திமுக ஆட்சிக்காலத்தில் மக்கள் நல பணியாளர்கள் நியமனம் செய்யப்பட்ட நிலையில் அதிமுக ஆட்சியில் அனைத்து மக்கள் நலப் பணியாளர்களும் நீக்கப்பட்டனர்.

இந்த நிலையில் தற்போது மீண்டும் திமுக ஆட்சி தோன்றி உள்ளதை அடுத்து மீண்டும் மக்கள் நலப் பணியாளர்களுக்கு வேலை கிடைக்கும் என்று எதிர்பார்க்கப்பட்டது .

சமீபத்தில் நீதிமன்றத்தில் இது குறித்த வழக்கு நடைபெற்றபோது மக்கள் நலப் பணியாளர்களுக்கு மீண்டும் பணி வழங்க திட்டமிட்டிருப்பதாகவும் இது குறித்த அறிவிப்பு விரைவில் வரும் என்றும் தமிழக அரசு சார்பில் நீதிமன்றத்தில் தகவல் தெரிவிக்கப்பட்டது.

இந்த நிலையில் மக்கள் நலப் பணியாளர்களுக்கு மீண்டும் பணி வழங்க தமிழக முதல்வர் மு க ஸ்டாலின் முடிவு செய்து இருப்பதாகவும் இது குறித்த அறிவிப்பு இன்னும் ஓரிரு நாட்களில் வெளி வர வாய்ப்பிருப்பதாகவும் கூறப்படுகிறது.

மேலும் நீக்கப்பட்ட மக்கள் நல பணியாளர்கள் மீண்டும் பணியில் சேரும்போது அவர்களுக்கு 7,500 ரூபாய் மாத ஊதியம் வழங்கவும் முதலமைச்சர் ஸ்டாலின் முடிவு செய்திருப்பதாகவும் தகவல் வெளியாகியுள்ளது.