தேங்க்யூ, ப்ளீஸ் கூறினால் பில்லில் தள்ளுபடி: ஒரு வித்தியாசமான ஓட்டல்!

தேங்க்யூ என்றும் ஒரு உதவியை பெறும்போதும், ப்ளீஸ் என்று ஒரு உதவியை கோரும்போதும் பொதுமக்கள் கூறுவதை வழக்கமாகக் கொண்டிருக்கின்றனர். இந்த பழக்கத்தை பொதுமக்கள் மத்தியில் அதிகரிக்கச் செய்ய வேண்டும் என்பதற்காக ஹைதராபாத்தை சேர்ந்த ’தக்சின் 5’ என்ற ஹோட்டல் தேங்க் யு ப்ளீஸ் என்று கூறும் வாடிக்கையாளர்களுக்கு உணவு பில்லில் தள்ளுபடி செய்யப்படும் என அறிவித்துள்ளது.

மனித நேயத்துடன் கூறப்படும் இந்த வார்த்தைகள் அனைவரிடத்திலும் பழக்கம் ஏற்படுத்த வேண்டும் என்பதற்காக இந்த தள்ளுபடி செய்யப் பட்டுள்ளதாக ஓட்டல் நிர்வாகி அறிவித்துள்ளார்.

இதனை அடுத்து இந்த ஓட்டலுக்கு வரும் வாடிக்கையாளர்கள், சக வாடிக்கையாளர்களிடமும், ஓட்டல் நிர்வாகத்திடமும், தேங்க்யூ, ப்ளீஸ் ஆகிய வார்த்தைகளை பயன்படுத்தி தள்ளுபடி விலையில் உணவுகளை சாப்பிட்டு வருவதாகவும் இந்த அறிவிப்புக்கு மிகப்பெரிய அளவில் ஹைதராபாத் மக்கள் மத்தியில் வரவேற்பு ஏற்பட்டுள்ளதாகவும் கூறப்படுகிறது.