சினிமா செய்திகள்
தளபதி விஜய் ஸ்டைலில் ‘பிரெண்ட்ஷிப்’ படத்தை புரமோஷன் செய்த லாஸ்லியா!
பிக்பாஸ் போட்டியாளர்களில் ஒருவரான லாஸ்லியா நடிக்கும் முதல் திரைப்படம் ‘பிரெண்ட்ஷிப்’ என்பதும், இந்த படத்தில் பிரபல இந்திய கிரிக்கெட் வீரர் ஹர்பஜன் சிங் முக்கிய கேரக்டரில் நடித்து வருகிறார் என்பதும் தெரிந்ததே. அதுமட்டுமின்றி ஆக்சன் கிங் அர்ஜுன் அவர்களும் இந்த படத்தில் ஒரு முக்கிய கேரக்டரில் நடித்து வருகிறார். இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பது குறிப்பிடத்தக்கது
இந்த நிலையில் தற்போது இந்த படத்தின் புரமோஷன் வீடியோ ஒன்று வெளியாகியுள்ளது. அதில் லாஸ்லியா, ஹர்பஜன்சிங், சதீஷ் உள்ளிட்டோர் தோன்றும் காட்சிகள் உள்ளன. அதில் லாஸ்லியா தோன்றும் காட்சியில் ’ஹாய் நண்பா நம்பி’ என்று தளபதி விஜய் ஸ்டைலில் தொடங்கி என் ஃபிரண்ட போல யாரு மச்சான்’ என்று ஒரு பாடலையும் பாடியுள்ளார்
அதேபோல் ஹர்பஜன்சிங்கின் ஆக்ஷன் காட்சிகளும் சதீஷ் டப்பிங் செய்யும் காட்சியும் உள்ளது. சதீஷின் காட்சியில், ‘வாழ்க்கையில் இழக்கக்கூடாது இரண்டு விஷயம், ஒன்று உயிர் கொடுத்த அப்பா அம்மா, இன்னொருவர் உயிரையே கொடுக்கும் நண்பர்’ என்ற வசனத்தை பேசியுள்ளார். மேலும் இந்த வீடியோ தற்போது இணையதளங்களில் வைரலாக வருகிறது என்பது குறிப்பிடத்தக்கது
