ரசிகர்களைக் குஷிபடுத்த ஞாயிற்றுக்கிழமையில் 3 மணி நேர ஷோ-வாக ‘குக்கு வித் கோமாளி’!

தமிழ் தொலைக்காட்சி ரசிகர்களுக்கு மிகவும் பிடித்த நிகழ்ச்சியாக ‘குக்கு வித் கோமாளி’ நிகழ்ச்சி உள்ளது.

குக்கு வித் கோமாளி சீசன் 2 தற்போது விஜய் டிவி-யில் ஒளிபரப்பாகி வருகிறது. இந்த நிகழ்ச்சியில் சமைக்கும் குக்கு-களை விட உடன் இருக்கும் கோமாளிகளான புகழ், சிவாங்கி, பாலா, மணிமேகலை ஆகியோருக்குத் தான் ரசிகர்களும், ஆர்மிகளும் அதிகம். கடந்த இரு ஞாயிற்றுக்கிழமைகளாக குக்கு வித் கோமாளி நிகழ்ச்சி ஒளிபரப்பாகவில்லை.

பிக்பாஸ் இறுதி நிகழ்ச்சி என்றும் ஒரு ஞாயிற்றுக்கிழமையும் சூப்பர் சிங்கர் தொடக்க விழா என அடுத்த ஞாயிற்றுக்கிழமையும் குக்கு வித் கோமாளி நிகழ்ச்சி தடைபட்டது. இதனால் விஜய் டிவி நிர்வாகத்துக்கு கண்டனம் தெரிவிக்கும் வகையில் ட்விட்டரில் ரசிகர்கள் கொந்தளிக்கத் தொடங்கினர்.

இந்த சூழலில் ரசிகர்களை மகிழ்வ்விக்க கடந்த இரு வாரங்களாக ஒளிபரப்பான குக்கு வித் கோமாளி நிகழ்ச்சியை சேர்த்து வைத்து 3 மணி நேர நிகழ்ச்சியாக வருகிற ஞாயிற்றுக்கிழமை காலை 9 மணியில் இருந்து ஒளிபரப்புவதாக விஜய் டிவி ப்ரோமோ வெளியிட்டுள்ளது. புது ஷோ 3 மணி நேரம் தொடர்ச்சியாக என்றால் மகிழ்ச்சி ஆனால் ஏற்கெனவே ஒளிபரப்பான நிகழ்ச்சியை ஏன் டிவி-யில் போட வேண்டும்? என ரசிகர்களுக்கு கொஞ்சம் வருத்தம் தான்.