வணிகம்
8வது ஊதியக்குழு: டிஏ இணைப்பு உறுதி? சம்பள உயர்வில் பெரிய மாற்றம் வரும் என எதிர்பார்ப்பு!
8வது ஊதியக்குழு: அடிப்படை ஊதியத்துடன் டிஏ இணைப்பு – சம்பள உயர்வு குறித்து முக்கிய தகவல்!
மத்திய அரசு ஊழியர்களுக்கான 8வது ஊதியக்குழு உருவாக்கம் தற்போது மிகப்பெரிய எதிர்பார்ப்பை ஏற்படுத்தியுள்ளது. கடந்த ஜனவரி 2025ல் இதற்கான அறிவிப்பை மத்திய அரசு வெளியிட்ட நிலையில், 2026 முதல் இது அமலாகும் எனத் தகவல் வெளியாகியுள்ளது. இருப்பினும், முழுமையான நடைமுறை ஜனவரி 2027க்குத் தான் நிகழும் என கருதப்படுகிறது.
டிஏ இணைப்பு + ஃபிட்மெண்ட் ஃபாக்டர் = புதிய சம்பளமா?
பொதுவாக ஒவ்வொரு ஊதியக்குழுவும், அகவிலைப்படியை (Dearness Allowance – DA) அடிப்படை ஊதியத்தில் சேர்த்து, அதன் மீது ஃபிட்மெண்ட் ஃபாக்டர் (Fitment Factor) மூலம் புதிய அடிப்படை சம்பளத்தை கணக்கிடுகிறது. இதே மாதிரியான முறையே 8வது ஊதியக்குழுவிலும் எதிர்பார்க்கப்படுகிறது.
7வது ஊதியக்குழுவின் போது, 125% டிஏ-வுடன், 2.57 என்ற ஃபிட்மெண்ட் ஃபாக்டர் பயன்படுத்தப்பட்டது. அதேபோல், புதிய ஊதியக்குழுவிலும் இதற்கும் மேலான ஃபிட்மெண்ட் ஃபாக்டர் நிர்ணயிக்கப்பட வேண்டும் என ஊழியர் சங்கங்கள் வலியுறுத்துகின்றன. அவர்கள் எதிர்பார்ப்பு – குறைந்தபட்சம் 3.0.
ஊதிய உயர்வு எவ்வளவு இருக்கும்?
முந்தைய ஊதியக்குழுக்களின் அடிப்படையில், டிஏ மற்றும் ஃபிட்மெண்ட் ஃபாக்டரை வைத்து சம்பள உயர்வை கணக்கிடும் முறை தெளிவாகிறது.
எடுத்துக்காட்டாக, ரூ.10,000 அடிப்படை ஊதியத்தில் 125% டிஏ சேர்க்கப்பட்டு ரூ.22,500 ஆகும். அதன் மீது 2.57 ஃபிட்மெண்ட் ஃபாக்டரை பயன்படுத்தி ரூ.25,700 ஆக உயர்த்தப்பட்டது.
இது போலவே தற்போது 2025-ல் DA சதவீதம் அதிகம் இல்லாவிட்டாலும், ஃபிட்மெண்ட் ஃபாக்டர் உயர்வதன் மூலம் நேரடி சம்பள உயர்வைக் காணலாம்.
தற்போதைய நிலவரம்:
8வது ஊதியக்குழுவின் தலைவர் மற்றும் உறுப்பினர்கள் குறித்து அறிவிப்பு இன்னும் வெளியாகவில்லை.
ஆனால், இந்த ஊதியக்குழு மூலம் மத்திய அரசு ஊழியர்களுக்கும் ஓய்வூதியதாரர்களுக்கும் நல்ல எதிர்பார்ப்பு உள்ளது.
சரியான முடிவுகள் எடுக்கப்பட்டால், நாடு முழுவதும் உள்ள கோடிக்கணக்கான பேருக்கு நன்மை ஏற்படும்.
