8வது ஊதியக்குழு கோரிக்கைகள்: மத்திய அரசு ஊழியர்கள் மற்றும் ஓய்வூதியதாரர்களுக்கு வரவிருக்கும் மாற்றங்கள்!

மத்திய அரசு ஊழியர்களுக்கும் ஓய்வூதியதாரர்களுக்கும் மகிழ்ச்சியான செய்தி!
2026 ஜனவரி 1 முதல் அமலுக்கு வரக்கூடிய 8வது ஊதியக்குழு குறித்து பரிந்துரைகள் தற்போது அரசிடம் சமர்ப்பிக்கப்பட்டுள்ளன. தேசிய கூட்டு ஆலோசனை அமைப்பான NC-JCM, ஊழியர் தரப்பிலிருந்து 15 முக்கிய கோரிக்கைகளை நிதி அமைச்சகத்துடன் பகிர்ந்துள்ளது.

🔹 முக்கிய பரிந்துரைகள்:

• மத்திய அரசு, அகில இந்திய சேவைகள், பாதுகாப்பு படைகள், கிராமப்புற டாக் சேவகர்கள் மற்றும் யூனியன் பிரதேச ஊழியர்கள் உள்ளிட்ட பலருக்கும் இந்த ஊதியக்குழு வரலாறு காணாத மாற்றங்களை உருவாக்கும்.

• குறைந்தபட்ச ஊதியத்தை உயர்த்தி, dignified வாழ்க்கை தரத்தை உறுதி செய்ய வேண்டும்.

• பே மேட்ரிக்ஸ் (Pay Matrix) அமைப்பை மாற்றி, நிலைகள் 1 மற்றும் 2, 3 மற்றும் 4, 5 மற்றும் 6 ஆகியவற்றை ஒருங்கிணைக்க பரிந்துரை.

• MACP திட்டம் சீரமைக்கப்பட வேண்டும். ஊழியர்கள் குறைந்தது 3 பதவி உயர்வுகளை நிச்சயமாக பெற வேண்டும்.

• DA மற்றும் DR-ஐ அடிப்படை சம்பளத்துடன் இணைத்து வழங்க வேண்டும்.

• 7வது ஊதியக்குழுவின் தீர்க்கப்படாத பிரச்சனைகள் இம்முறை தீர்க்கப்பட வேண்டும்.

🔹 ஓய்வூதியதாரர்களுக்கான முக்கிய கோரிக்கைகள்:

• கம்யூடட் ஓய்வூதிய மீட்பு காலம் 15 ஆண்டுகளிலிருந்து 12 ஆண்டுகளாக குறைக்கப்பட வேண்டும்.

• ஓய்வூதிய மறுபரிசீலனை ஐந்து வருடங்களுக்கு ஒருமுறை நடைபெற வேண்டும்.

• பழைய ஓய்வூதியத் திட்டமான CCS (Pension) Rules 1972/2021 ஐ மீண்டும் கொண்டு வர வேண்டும்.

• NPS (National Pension Scheme) முறையை ரத்து செய்ய வேண்டும்.

🔹 மருத்துவ மற்றும் குடும்ப நல பரிந்துரைகள்:

• CGHS திட்டத்தில் பணமில்லா, தொந்தரவு இல்லாத மருத்துவ சேவையை உறுதி செய்ய வேண்டும்.

• மருத்துவக் கொடுப்பனவுகள் மற்றும் புதிய மருத்துவ செலவுகளை அதிகரிக்க வேண்டும்.

• ஊழியர்களின் குழந்தைகள் முதுகலை படிப்புகள் வரை கல்விக்கொடுப்பனவை நீட்டிக்க வேண்டும்.

🔹 ஆபத்தான வேலைகளுக்கான சிறப்பு பரிந்துரைகள்:

• ரயில்வே உள்ளிட்ட 24 மணி நேர பணியாற்றும் ஊழியர்களுக்கு Risk Allowance வழங்க வேண்டும்.

• வெடிபொருட்கள், ரசாயனங்கள் போன்ற ஆபத்தான பணிகளில் ஈடுபடும் ஊழியர்களுக்கு காப்பீட்டும் இழப்பீடும் வழங்கப்பட வேண்டும்.