வில்லன் விஷயத்தில் ஷங்கரை காப்பியடிக்கும் அட்லி!

2.0 படத்தில் ரஜினிக்கு வில்லனாக அக்‌ஷய் குமார் நடித்த நிலையில், ’தளபதி 63’ படத்தில் விஜய்க்கு வில்லனாக பாலிவுட் ஹீரோ ஒருவரை அட்லி இறக்கவுள்ளதாக தகவல் வெளியாகியுள்ளது.

தெறி படத்தில் விஜய்யை 2 கெட்டப்பில் காட்டிய அட்லி மெர்சல் படத்தில் மூன்று வேடத்தில் நடிக்க வைத்தார். மூன்றாவது படமான தளபதி 63ல் புதிதாக என்ன செய்யலாம் என யோசித்த அட்லிக்கு, 2.0 நல்ல ஐடியாவை கொடுத்துள்ளது.

ரஜினிக்கு பாலிவுட்டின் முன்னணி ஹீரோவான அக்‌ஷய் குமாரை ஷங்கர் களமிறக்கினார். இதனால், இந்தியா முழுவதும் படம் பிசினஸ் ரீதியில் வெற்றிப் பெற வாய்ப்பாக அமைந்தது. இந்த ஐடியா தான் அட்லிக்கு தற்போது இன்ஸ்பிரேஷனாக அவரது பாணியிலும் காப்பி என நெட்டிசன்கள் பாணியிலும் ஏற்பட்டுள்ளது.

பாலிவுட்டின் முன்னணி ஹீரோ ஒருவரை தளபதி 63க்கு புக் செய்ய தீவிர முயற்சியில் தற்போது அட்லி ஈடுபட்டு வருவதாக கோலிவுட்டின் நெருங்கிய வட்டாரங்கள் தகவல் தெரிவித்துள்ளன.