சினிமா
ஷாக்கிங்.. யூடியூபர் இர்ஃபான் கார் விபத்து.. மூதாட்டி பரிதாப சாவு.. திருமணம் ஆன கொஞ்ச நாளில் இப்படியா?
உணவு வகைகளை சுவைத்து விமர்சனம் செய்யும் பிரபல யூடியூபர் இர்ஃபானின் கார் ஏற்படுத்திய விபத்தில் வயதான ஒருவர் உயிரிழந்திருப்பதாக ஷாக்கிங் தகவல்கள் வெளியாகி உள்ளன.
அரை டவுசரை அணிந்துக் கொண்டு இர்ஃபான் என்பவர் நடத்திவரும் இர்ஃபான் வியூ யூட்யூப் சேனலில் உணவு குறித்து பல வீடியோக்களை பதிவு செய்து பிரபலமானார். கமல்ஹாசனுக்கே அவரை பிடிக்கும் என்றார். தளபதி விஜய்யின் லியோ படத்திலும் இவர் நடித்து வருவதாக தகவல்கள் வெளியாகின.
#image_title
காஷ்மீரில் படக்குழுவுடன் இவர் பண்ண அலப்பறை வீடியோக்கள் வெளியாகி ரசிகர்களை வியப்பில் ஆழ்த்தின.
பல ஆண்டுகள் காதலித்து வந்த தனது காதலியை இர்ஃபான் கடந்த 14ம் தேதி திருமணம் செய்துகொண்டார். அதுகுறித்து அவர் தனது இன்ஸ்டாகிராம் பக்கத்தில், “என் வாழ்வின் காதலை உங்கள் அனைவருக்கும் அறிமுகப்படுத்துகிறேன். யாருக்காக என் இதயம் என் வாழ்நாளின் இறுதி வரை துடிக்குமோ, அவரைத் திருமணம் செய்துகொண்டேன். எனது மகிழ்ச்சியான வாழ்க்கைக்கு உங்கள் அனைவரின் பிரார்த்தனைகளும் ஆசிகளும் தேவை” என குறிப்பிட்டிருந்தார். அவருக்கு பிரபலங்கள் முதல் ரசிகர்கள்வரை வாழ்த்து தெரிவித்தனர்.
திருமணம் செய்ததில் இருந்து பெங்களூருக்கு தேனிலவுக்கு சென்றது வரை ஏகப்பட்ட வீடியோக்களையும் ரீல்களையும் பதிவிட்டு வந்த இர்ஃபான் தற்போது மூதாட்டி ஒருவரின் மரணத்திற்கே காரணமாக ஆகி உள்ளார் என்கிற அதிர்ச்சி தகவல்கள் வெளியாகி உள்ளன.
மறைமலை நகர் நகராட்சி அலுவலகத்தின் அருகே யூடியூபர் இர்ஃபானின் கார் சென்றுகொண்டிருந்தபோது அவரது கார் விபத்துக்குள்ளானதாக கூறப்படுகிறது. மேலும் இந்த விபத்தின் காரணமாக ஒரு பத்மாவதி எனும் மூதாட்டி உயிரிழந்துவிட்டதாகவும்; காரை இர்ஃபானின் நண்பர் அசாருதின் என்பவர் ஓட்டியதாகவும் கூறப்படுகிறது. இதனையடுத்து காவல் துறையினர் வழக்குப்பதிவு செய்து தீவிர விசாரணை நடத்திவருகின்றனர்.
காரில் இர்ஃபான் இருந்தாரா? அல்லது குடி போதையில் அவரது நண்பர் ஓட்டி வந்து மூதாட்டி மேல் ஏற்றி விட்டாரா? என போலீஸார் விசாரித்து வருகின்றனர்.
