தினேஷுக்கு கை கொடுக்குமா இரண்டாம் உலகப்போரின் கடைசி குண்டு?

அட்டக்கத்தி படத்தின் மூலம் அறிமுகமான தினேஷ், குக்கூ, தமிழுக்கு எண் ஒன்றை அழுத்தவும், ஒரு நாள் கூத்து, விசாரணை மற்றும் அண்ணனுக்கு ஜே போன்ற தரமான படங்களை தமிழ் சினிமாவுக்கு தந்துள்ளார்.

வெற்றிமாறனின் விசாரணை படத்திற்கு பிறகு தினேஷுக்கு சினிமாவில் பெரிய இடம் கிடைக்கும் என எதிர்பார்த்த நிலையில், சட்டென்று ஆளே காணாமல் போய்விட்டார். கடைசியாக அவர் நடிப்பில் வெளிவந்த அண்ணனுக்கு ஜே படம் நன்றாக இருந்தாலும், வசூல் ரீதியாக வெற்றிப் பெறவில்லை. இந்நிலையில், தற்போது பா.ரஞ்சித்தின் தயாரிப்பில் அதியன் ஆதிரை இயக்கும் இரண்டாம் உலகப்போரின் கடைசி குண்டு படத்தில் லாரி டிரைவராக தினேஷ் நடித்துள்ளார்.

இறுதிகட்ட பட வேளைகளில் இருக்கும் இந்த படம் குறித்து அண்மையில் பேட்டியளித்த தினேஷ், தனது வாழ்நாள் கரியரில் நல்ல படமாக இந்த படம் இருக்கும் என்றார். மேலும், இந்த படத்தில் சர்வதேச அரசியல் பேசப்பட்டுள்ளதாகவும் கூறினார்.