சினிமா
விக்ரம் அடுத்தப் படத்தில் கமல் மகள் அக்ஷராஹாசன் நடிக்கின்றார்!
நடிகர் விக்ரம் அடுத்ததாக, கமல்ஹாசனின் ராஜ்கமல் பிலிம் இண்டர்நேஷனல் தயாரிப்பில் நடிக்க உள்ள படத்தின் பணிகள் நேற்று அதிகாரப்பூர்வமாகத் தொடங்கியது.
உலகநாயகன் நடிகர், இயக்குநர் மட்டுமல்ல தயாரிப்பாளராகவும் உள்ளார். பெரும்பாலும் இவர் நடிக்கும் படங்கள் மட்டுமே இவர் தயாரிப்பில் வரும். தற்போது இவரது மகளைக் கதாநாயகியாக வைத்துத் தயாரிக்கவுள்ளார்.
சீயான் விக்ரம் கதாநாயகனாக நடிக்கும் இப்படத்தைத் தூங்காவனம் படத்தை எடுத்த இயக்குநர் ராஜேஷ் M செல்வா இயக்குகிறார்.
நடிகர் விக்ரம் தற்போது சாமி ஸ்கொயர், துருவ நட்சத்திரம் உள்ளிட்ட படங்களில் நடித்து வருகிறார். இந்தப் படங்களைத் தொடர்ந்து விக்ரம், நடிகர் கமல்ஹாசனுடன் இணைந்து படம் ஒன்றில் நடிக்க உள்ளதாகத் தகவல் வெளியானது. பின்பு, கமல்ஹாசனின் தயாரிப்பு நிறுவனத்தில் நடிப்பதாகத் தெரிவிக்கப்பட்டது.
சமீபகாலமாகக் கமலின் ஆஸ்தான இசையமைப்பாளராக இருக்கும் ஜிப்ரான் தான் இந்தப் படத்துக்கும் இசையமைக்கிறார். பூஜாகுமாரும் இப்படத்தில் நடிக்கிறார்.
