சினிமா செய்திகள்
6 மொழிகளில் தயாராகும் விஜய் சேதுபதியின் ‘காந்தி டாக்ஸ்’!
விஜய் சேதுபதி பிறந்தநாள் முன்னிட்டு, அவரது நடிப்பில் உருவாகி வரும் பாலிவுட் திரைப்படமான காந்தி டாக் திரைப்படத்தின் ஃபர்ஸ்ட் லுக் போஸ்டர் நேற்று வெளியானது.
இந்த படம் தமிழ், இந்தி, மராத்தி, தெலுங்கு, மலையாளம், கன்னடா ஆகிய 6 மொழிகளில் ஒரே நேரத்தில் தயாராகிறது.
‘அமைதியான சகாப்தத்தை மீண்டும் கொண்டாடுவோம்’ என்று படத்துக்கான டேக் லைன் கொடுக்கப்பட்டுள்ளது. இந்த போஸ்டரை தனது டிவிட்டர் பக்கத்தில் பதிவிட்டுள்ள நடிகர் விஜய் சேதுபதி ‘சில நேரங்களில் அமைதி கூட மிகவும் சத்தமானது’ என்று குறிப்பிட்டுள்ளார்.
ரூபாய் நோட்டுக்களுக்கு நடுவில், மேஜை ஒன்றின் மேல் விஜய் சேதுபதி படுத்து இருப்பது போலவும், அதன் கீழ் காந்தி ராக்ஸ் என்ற படத்தலைப்பும் போஸ்டரில் உள்ளது. இதை பார்க்கும் போது ரூபாய் நோட்டுக்களைச் சுற்றிக் கதை அமைக்கப்பட்டுள்ளது என்று தெரிகிறது.
மேலும் படத்தின் டேக் லைனை பார்க்கும் போது இது ஒரு சைலன்ஸ் படமாக இருக்குமோ என்றும் கூறப்படுகிறது.
கலர் படங்கள் வந்த பிறகு கமல் ஹாசன் நடிப்பில் புஷ்பக் விமானம் படமும், 2012-ம் ஆண்டு ரன்பீர் கபூர் நடிப்பில் பர்ஃபி படமும் சலைன்ஸ் படங்களாக வெளியாகின. எனவே காந்தி டாக்ஸ் படத்தின் மீது பெரும் எதிர்பார்ப்பு எழுந்துள்ளது. கிஷோர் பி பலேகர் என்பவர் இந்த படத்தை இயக்குகிறார்.
“At times Silence is so loud”. On the occasion of my birthday. I am announcing my new film’s poster. I am set for a new challenge and new beginning with a silent film #GANDHITALKS Need your love and blessings. ???????? @kishorbelekar @divay_dhamija @moviemillent pic.twitter.com/5NtrAD5t4d
— VijaySethupathi (@VijaySethuOffl) January 16, 2021
