தொடங்கியது ‘வெந்து தணிந்தது காடு’ வியாபாரம்: அதிகாரபூர்வ அறிவிப்பு!

சிம்பு நடிப்பில் இயக்குனர் கவுதம் மேனன் இயக்கத்தில் ஏஆர் ரகுமான் இசையில் உருவாகி வரும் திரைப்படம் ’வெந்து தணிந்தது காடு. இந்த படத்தின் படப்பிடிப்பு கடந்த சில மாதங்களாக நடைபெற்று வந்தது என்பதும் குறிப்பாக மும்பையில் ஒரு சில வாரங்கள் முக்கிய காட்சிகள் படமாக்கப்பட்டது என்பது குறிப்பிடத்தக்கது.

இந்த நிலையில் இன்று மீண்டும் மும்பையில் ’வெந்து தணிந்தது காடு’ படத்தின் படப்பிடிப்பு தொடங்க இருப்பதாக சிம்பு தனது சமூக வலைத்தளத்தில் அறிவித்திருந்தார் என்பதும் இது குறித்த புகைப்படம் ஒன்றையும் அவர் பதிவு செய்த நிலையில் அந்த புகைப்படம் வைரல் ஆனது என்பதும் குறிப்பிடத்தக்கது.

இந்த நிலையில் ’வெந்து தணிந்தது காடு’ படத்தின் படப்பிடிப்பு இறுதி கட்டத்தில் உள்ள நிலையில் இந்த படத்தின் வியாபாரமும் தொடங்கிவிட்டது என்பது குறிப்பிடத்தக்கது.

முதல்கட்டமாக இந்த படத்தின் ஆடியோ ரிலீஸ் உரிமையை திங்க் மியூசிக் என்ற நிறுவனம் பெற்றுள்ளது. இசைப்புயல் ஏஆர் ரகுமானின் இசையில் உருவான பாடல்கள் என்பதால் இந்த படத்தின் ஆடியோ ரைட்ஸ் மிகப்பெரிய தொகைக்கு விற்பனை ஆனதாக தகவல்கள் வெளியாகியுள்ளன.

சிம்புவின் மாநாடு திரைப்படம் மிகப் பெரிய வெற்றி பெற்ற நிலையில் அதற்கு அடுத்த படமாக ’வெந்து தணிந்தது காடு’ ரிலீசாகும் என்று எதிர்பார்க்கப்படுவதால் இந்த படத்தின் வியாபாரம் ஆச்சரியப்பட வைக்கும் அளவுக்கு இருக்கும் என்று கூறப்படுகிறது.