வாரிசு படத்துக்கு செம போட்டியாக இறங்கும் பாலகிருஷ்ணா; வீரசிம்மா ரெட்டி என்ன இப்படி இருக்கு!

விஜய்யின் வாரிசு படத்துக்கு தமிழ்நாட்டில் அஜித்தின் துணிவு படம் போட்டி என்றால் தெலுங்கில் பாலகிருஷ்ணாவின் வீரசிம்மா ரெட்டி படம் கடும் போட்டியை கொடுக்கும் போல இருக்கிறதே.. அதே தமன் இசையில் கோபிசந்த் மலினேனி இயக்கியுள்ள வீரசிம்மா ரெட்டி படத்தின் ட்ரெய்லர் தற்போது வெளியாகி உள்ளது.

சிங்கம் சிங்கிளாத்தான் வரும் என்பது போல பாலைய்யா வரும் காட்சிகள் எல்லாமே மாஸ் தெறிக்குது. பிஜிஎம் காதை கிழிக்குது. விஜய் ரசிகரா? பாலைய்யா ரசிகரா தமன் நீங்க என விஜய் ரசிகர்கள் தமனின் சட்டை காலரை பிடித்து உலுக்கி எடுத்து விடுவார்கள் என்றே தோன்றுகிறது.

ஹீரோயினாக ஸ்ருதிஹாசன் செம ஹாட்டாக நடித்துள்ளார் என்றால் வில்லியாக இந்த படத்திலும் மிரட்டி எடுக்கிறார் வரலக்‌ஷ்மி சரத்குமார்.

வேட்டி, சட்டையில் மாஸாகவும் மாடர்ன் டிரெஸ்ஸில் மாஸாகவும் பஞ்ச் பேசும் போது பவராகவும் தெறிக்கிறார் பாலகிருஷ்ணா.

அகண்டா படத்தின் வெற்றிக்கு பிறகு இந்த சங்கராத்திக்கும் தலைவன் சம்பவம் செய்வான் போல இருக்கே என ரசிகர்கள் வாரிசு படத்தை மறந்து விட்டு வீரசிம்மா ரெட்டி படத்துக்காக வெறித்தனமாக வெயிட்டிங் செய்து வருகின்றனர்.

மெகா ஸ்டார் சிரஞ்சீவியின் வால்டர் வீரய்யா படமும் இந்த சங்கராந்திக்கு ரிலீஸாக உள்ளது. அந்த படத்திலும் ஸ்ருதிஹாசன் தான் ஹீரோயினாக நடித்துள்ளார் என்பது ஒரே கல்லில் ரெண்டு மாங்காய் கதை தான்.