சிஸ்டம் சரியில்லை: ரஜினிக்கு ‘வலிமை’ மூலம் பதிலளித்தாரா அஜித்?

சூப்பர் ஸ்டார் ரஜினிகாந்த் அவர்கள் அரசியலுக்கு வருவதாக கூறி கொண்டிருந்த நேரத்தில் சிஸ்டம் சரி இல்லை என்பதை அடிக்கடி கூறியிருப்பார். அதற்கு ‘வலிமை’ படத்தின் மூலம் அஜித் பதிலடி கொடுத்து உள்ளதாக தெரிவித்து வருவது பெரும் பரபரப்பை ஏற்படுத்தி உள்ளது.

அஜித் நடித்த ‘வலிமை’ திரைப்படம் நேற்று வெளியாகியுள்ள நிலையில் இந்த படத்தில் இடம்பெற்ற ஒரு வசனம்தான் ரஜினி -அஜித் ரசிகர்கள் இடையே சண்டையை மூட்டும் விதத்தில் அமைந்துள்ளது.

அஜித் தனது அம்மா கேரக்டரிடம் பேசும் வசனத்தில், ‘கவர்மெண்ட் சரியில்லை, சிஸ்டம் சரி இல்லை என திட்டுகிறோம். ஆனால் நமக்கென்று ஒரு பிரச்சினை வரும்போது நேர்மையாக இருக்கின்றோமா? சுயநலமாக மாறிவிடுகிறோம். நாம்தான் சிஸ்டம். நாம் சரியாக இருந்தால்தான் சிஸ்டம் சரியாக இருக்கும்’ என்று பேசியுள்ளார்.

இந்த வசனம் ரஜினியை குறி வைப்பதற்காகவே வைக்கப்பட்ட வசனம் என்றும் இந்த வசனத்தை பேச அஜித் எப்படி ஒப்புக் கொண்டார் என்றும் ரஜினி ரசிகர்கள் கேள்வி எழுப்பி வருகின்றனர்.

ஆனால் இந்த வசனத்திற்கும் ரஜினிக்கும் எந்த சம்பந்தமும் இல்லை என்று தேவை இல்லாமல் ரஜினி அஜித் ரசிகர்கள் மத்தியில் குழப்பத்தை ஏற்படுத்த வேண்டாம் என்றும் அஜீத் ரசிகர்கள் பகிர்ந்து வருகின்றனர்.

x