வணிகம்
PF பணம் டிரான்ஸ்பர் செய்வது இனி சுலபம் – EPFO புதிய மாற்றங்கள்!
இனி PF பணத்தை மாற்றுவது சுலபமா? EPFO-வின் புதிய மாற்றங்கள் உங்கள் பணத்தை பாதுகாக்கும்!
இந்தியாவின் தொழிலாளர் வருங்கால வைப்பு நிதி அமைப்பு (EPFO), 7 கோடிக்கும் அதிகமான ஊழியர்கள் பங்கேற்கும் EPF திட்டத்தில், PF பணத்தை ஒரு வேலை இடத்திலிருந்து மற்றொரு இடத்திற்கு மாற்றும் செயல்முறையை மேலும் எளிமைப்படுத்தும் வகையில் முக்கிய மாற்றங்களை மேற்கொண்டுள்ளது.
முன்பு, PF பணத்தை டிரான்ஸ்பர் செய்ய, ஊழியர் இரண்டு EPF அலுவலகங்களை அணுக வேண்டிய கட்டாயம் இருந்தது. அதாவது, பழைய வேலைக்கான PF அலுவலகமும், புதிய வேலைக்கான அலுவலகமும். ஆனால் தற்போது இந்த நடைமுறை எளிமையாக்கப்பட்டுள்ளது. PF டிரான்ஸ்பர் செய்ய விரும்பும் புதிய அலுவலகத்துக்கு மட்டும் சென்றால் போதுமானது என EPFO அறிவித்துள்ளது.
மேலும்:
TDS கணக்கீடு எளிதாகும்: PF கணக்கில் கிடைக்கும் வட்டி தொகைக்கு வரி (TDS) எவ்வளவு என்பதையும் நேரடியாகக் கணிக்க முடியும்.
ஆதார் இல்லாமல் PF கிரெடிட்: ஆதார் இணைக்கப்படாத கணக்குகளுக்கும் PF பணத்தை சுலபமாக கிரெடிட் செய்யும் வசதி அறிமுகமாகியுள்ளது.
UAN பாதுகாப்பு: UAN (Universal Account Number) புதியதாக உருவாக்கப்படும் போதெல்லாம், அது ஆதார் இணைக்கப்பட்ட பிறகு மட்டுமே செயல்படுத்தப்படும். இதன்மூலம் பாதுகாப்பு அதிகரிக்கப்படுகிறது.
இந்த மாற்றங்கள் யாருக்கெல்லாம் பயன்படும்?
புதிய வேலைக்கு செல்வோர், PF கணக்கு டிரான்ஸ்பர் செய்யும் தேவை உள்ளோர், PF வட்டிக்கான வரி கணக்கீட்டை தெரிந்து கொள்ள விரும்புவோர் மற்றும் UAN செயல்பாட்டில் உள்ள பிரச்சனைகளை சந்திப்போர் இவற்றால் மிகுந்த பயன் பெறக்கூடியவர்கள்.
