உலகம்
ஐநா மொழிகளில் இந்தி சேர்ப்பு: தமிழ் எப்போது?
ஐநாவின் அலுவல் மொழிகளாக தற்போது ஆறு மொழிகளில் இருந்து வரும் நிலையில் மேலும் இந்தி உள்பட 6 மொழிகள் சேர்க்கப்பட்டுள்ளதாக தகவல் வெளியாகியுள்ளன.
ஐநாவின் நிரந்தர உறுப்பினர்கள் நாடுகளான சீனா, பிரான்ஸ், ரஷியா, இங்கிலாந்து, மற்றும் அமெரிக்க நாடுகளின் மொழிகளான சைனீஸ், பிரெஞ்சு, ரஷ்யன், ஆங்கிலம் ஸ்பானிஷ், அரேபியா ஆகிய மொழிகள் தற்போது அலுவல் மொழியாக இருக்கிறது. ஐநாவின் தீர்மானங்கள் அனைத்தும் இந்த ஆறு மொழிகளில் மட்டுமே வெளியாகும்.
இந்த நிலையில் ஐநாவில் தீர்மானம் அனைத்து மக்களுக்கும் போய் சேர வேண்டும் என்ற எண்ணத்தில் மேலும் ஆறு மொழிகளை ஐநா இணைத்துள்ளது. அந்த மொழிகள் போர்த்துகீசியம், ஹிந்தி, கிஸ்வாஹிலி, பாரசீகம், பங்களா மற்றும் உருது ஆகியவை என்பது குறிப்பிடத்தக்கது.
வருங்காலத்தில் மேலும் சில மொழிகள் அலுவல் மொழியாக ஐநாவில் சேர்க்கப்படும் என்றும் தெரிவிக்கப்பட்டுள்ளது. தமிழ் உட்பட மற்ற மொழிகளையும் ஐநா அலுவல் மொழிக்க சேர்க்க வேண்டும் என தொடர்ந்து அதிகாரிகளிடம் வலியுறுத்தப்பட்டு வருகிறது என்பது குறிப்பிடத்தக்கது.