சினிமா செய்திகள்
முடிந்தது சிம்புவின் ஈஸ்வரன் ஷூட்டிங்.. தீபாவளிக்கு டீசர்.. பொங்கலுக்கு படம்!
சிம்பு நடிப்பில் அக்டோபர் 8-ம் தேதி தொடங்கப்பட்ட ஈஸ்வரன் படத்தின் ஷூட்டிங் இன்றோடு முடிந்துள்ளது.
கோரோனா ஊரடங்கிற்கு முன்பு சிம்பு நேரத்திற்கு ஷூட்டிங் வரமாட்டார், உடல் எடை கூடி விட்டது, முன்பு போல் நடிக்க முடியாது , நடனம் ஆட முடியாது, சிம்பு அவ்வளவு தான் என்று எல்லாம் கூறப்பட்டு வந்தது.
அவர்களுக்கு எல்லாம் ஷாக் கொடுக்கும் வகையில், சுசீந்திரன் இயக்கத்தில் ஈஸ்வரன் படப்பிடிப்பிற்கு ஸ்லிம்மாக வந்த சிம்பு, 29 நாட்களில் ஷூட்டிங்கை முடித்துக் கொடுத்துள்ளார். அதுவும் சொன்னதை விட ஒரு நாள் முன்பாகவே ஷூட்டிங் முடிந்துள்ளது.
அதை உறுதி செய்யும் படி டிவிட் செய்துள்ள சிம்பு, “ஷூட்டிங் முடிந்தது, ஈஸ்வரன் பட டீசர் தீபாவளிக்கு வரும். ஈஸ்வரன் படக்குழுவில் என்னுடன் பயணித்த அனைவருக்கும் நெஞ்சார்ந்த நன்றி. எனது ரசிகர்கள் எனக்கு அளித்த அன்புக்கும் ஆதரவுக்கு நன்றி” என்று தெரிவித்துள்ளார்.
ஒரே மாதத்தில் ஈஸ்வரன் ஷூட்டிங் முடிந்து, ஒரு வாரத்தில் டீசரும் வெளியிடுகின்றனர். இன்னும் 2 மாதத்தில் ஈஸ்வரன் படத்தின் போஸ்ட் ப்ரொடக்ஷன் முடிந்து படம் பொங்கலுக்கு வெளியாகும் என்பதை உறுதி செய்துள்ளது.
ஈஸ்வரன் படத்திற்கு தமன் இசை அமைத்துள்ளார்.
அடுத்ததாக நவம்பர் 9-ம் தேதி முதல் சிம்பு மாநாடு ஷூட்டிங்கில் பாண்டிச்சேரியில் கலந்துகொள்ள உள்ளார்.
#ShootCompleted ????#EeswaranTeaserForDiwali
I heart fully thank each and everyone of my team #Eeswaran for this beautiful journey! & Special thanks to all my fans for all the love and support #SilambarasanTR #Atman #STR pic.twitter.com/7lAXOnjZyP— Silambarasan TR (@SilambarasanTR_) November 6, 2020
