ரூ.900 கோடி வியாபாரம்.. ரிலீஸுக்கு முன்பே மாஸ் காட்டிய ஆர்.ஆர்.ஆர்.

பாகுபலி மற்றும் பாகுபலி2 படத்திற்கு பின் எஸ்.எஸ் ராஜமவுலி இயக்கியுள்ள திரைப்படம் ஆர்.ஆர்.ஆர். சுமார் 400 கோடி பட்ஜெட்டில் இப்படம் உருவாகியுள்ளது. இப்படத்தில் இடம் பெற்றுள்ள நட்பு பாடல் வீடியோ வெளியாகி ரசிகர்களிடம் வரவேற்பை பெற்றது. தமிழில் இப்பாடலை பிரபல இசையமைப்பாளர் அனிருத் பாடியுள்ளார்.

இப்படம் சுதந்திர போராட்ட காலம் பற்றியது. இப்படத்தில் ஜூனியர் என்.டி.ஆர், ராம்சரண் தேஜா ஆகியோர் முக்கிய வேடங்களில் நடித்துள்ளனர். மேலும், பாலிவுட் பிரபலங்களான அஜய்தேவ்கான், ஆலியாபட் மற்றும் ஹாலிவுட் பிரபலம் ஒலிவியா மோரிஸ் உள்பட பலர் நடித்துள்ளனர்.

இப்படத்தின் இறுதிக்கட்ட படப்பிடிப்பு 3 மாதங்களுக்கு முன்பு உக்ரைன் நாட்டில் நடைபெற்று முடிந்துள்ளது. இயக்குனர் ராஜமவுலி படக்குழுவுடன் கேக் வெட்டி இதை கொண்டாடியுனார். இது தொடர்பான புகைப்படம் இணையத்தில் வைரலாகியது. இப்படம் 2022 ஜனவரி மாதம் 7ம் தேதி உலகமெங்கும் வெளியாகவுள்ளது.

இந்நிலையில், இப்படத்தின் வியாபாரம் ரூ.900 கோடியை தொட்டுள்ளது. தென்னிந்திய மற்றும் வட இந்திய தியேட்டர் வெளியீட்டு உரிமை இரண்டும் சேர்த்து ரூ. 500 கோடிக்கும், வெளிநாட்டு உரிமை ரூ.70 கோடி, அனைத்து மொழிகளுக்கான டிஜிட்டல் உரிமை ரூ.170 கோடி, சாட்டிலைட் உரிமை ரூ.130 கோடி, இசை வெளியிட்டு உரிமை ரூ.20 கோடி என மொத்தம் ரூ.890 கோடிக்கு வியாபாரம் நடந்துள்ளது.

படம் வெளியாகி இன்னும் பல நூறு கோடிகளை வசூலிக்கும் என்பதால் இப்படம் எப்படியும் ரூ. 1200 கோடி வசூலை தொடும் என எதிர்பார்க்கப்படுகிறது.