இந்தியா
கொரோனா தடுப்பூசி சான்றிதழிலிருந்து மோடி படம், பெயர் திடீரென நீக்கம்.. என்ன காரணம்?
கொரோனா தடுப்பூசி சான்றிதழிலிருந்து மோடி படம், பெயர் திடீரென நீக்கப்பட்டுள்ளது.
ஒன்றிய சுகாதாரத் துறை அமைச்சகம் கொரோனா தடுப்பூசி சான்றிதழிலிருந்து 5 மாநில சட்டமன்றத் தேர்தலை முன்னிட்டு பிரதமர் மோடியின் பெயர் மற்றும் படத்தை நீக்கியுள்ளது.
பஞ்சாப், உத்திர பிரதேசம், உத்தரகண்ட், கோவா,மணிப்பூர் உள்பட 5 மாநிலங்களில் பிப்ரவரி 10-ம் தேதி முதல் மார்ச் 7-ம் தேதி வரை சட்டமன்றத் தேர்தல் நடைபெற உள்ளது.
தேர்தல் தேதி அறிவிக்கப்பட்டதால் தேர்தல் நடைமுறைகள் அமலுக்கு வந்துள்ளன. எனவே தேர்தல் நடைபெற உள்ள 5 மாநிலங்களில் வழங்கப்படும் தடுப்பூசி சான்றிதழில் பிரதமர் மோடியின் பெயர் மற்றும் படம் இடம்பெறாது என கூறப்படுகிறது.
இதே போன்று 2021-ம் ஆண்டு மார்ச் மாதம் தமிழ்நாடு, அசாம், கேரளா, மேற்கு வங்கம், புதுச்சேரி உள்ளிட்ட மாநிலங்களில் சட்டமன்றத் தேர்தல் நடைபெற்ற போது கோரோனா சான்றிதழிலிருந்து பிரதமர் மோடியின் படம் மற்றும் பெயர் நீக்கப்பட்டது குறிப்பிடத்தக்கது.
Read More: கொரோனா தடுப்பூசி சான்றிதழ் பதிவிறக்கம் செய்வது எப்படி?
