வணிகம்
PF கிளைம் நிராகரிக்கப்பட்டதா? திருத்தி மீண்டும் கோரிக்கையை சமர்ப்பிக்க இது செய்யுங்கள்!
PF கிளைம் நிராகரிக்கப்படும் முக்கிய காரணங்கள்!
ஊழியர்களின் வருங்கால வைப்பு நிதி (EPF) இந்திய அரசின் ஓய்வூதிய திட்டமாகும். ஊழியர்கள் ஒவ்வொரு மாதமும் EPF கணக்கில் பணம் செலுத்தி வருகிறார்கள். தங்களுக்குத் தேவையான நேரத்தில் அந்த தொகையை கிளைம் செய்யலாம். சில நேரங்களில், சில காரணங்களால் PF கிளைம் கோரிக்கைகள் நிராகரிக்கப்படுகின்றன.
PF கிளைம் நிராகரிக்கப்படும் முக்கிய காரணங்கள்
✅ முழுமையற்ற தகவல்: வங்கி கணக்கு விவரங்கள் அல்லது வேலை தொடர்பான விவரங்களில் பிழை இருந்தால், கோரிக்கை நிராகரிக்கப்படும்.
✅ செயல்படாத UAN: பயன்பாட்டில் இல்லாத யுனிவர்சல் அக்கவுண்ட் நம்பர் (UAN) மூலம் கோரிக்கை செய்தால் மறுக்கப்படும்.
✅ சர்வீஸ் ரெக்கார்டு முரண்பாடு: பணிப் பதிவுகளில் வேறுபாடு இருந்தால், EPFO அதை தகுதியற்றதாக கருதலாம்.
✅ நிலுவையில் உள்ள தொகை: நிறுவனத்தினால் முழுமையாக EPF தொகை செலுத்தப்படாதிருந்தால், கோரிக்கை நிராகரிக்கப்படும்.
🔹 PF கிளைம் நிராகரிக்கப்பட்டால் சரி செய்ய வேண்டிய செயல்முறைகள்
1️⃣ EPFO கிளைம் ஸ்டேட்டஸை சரிபார்க்கவும்
EPFO அதிகாரப்பூர்வ இணையதளத்தில் உங்கள் UAN கணக்கில் லாகின் செய்யவும்.
உங்கள் கிளைம் நிராகரிக்கப்பட்டதற்கான காரணங்களை அறிந்து கொள்ளவும்.
2️⃣ தவறுகளை சரி செய்து, தகவல்களை புதுப்பிக்கவும்
குறைவாக உள்ள தகவல்களை புதுப்பிக்கவும்.
வங்கி கணக்கு விவரங்களை சரியாக உள்ளிடவும்.
சர்வீஸ் ரெக்கார்டுகளை மேம்படுத்தவும்.
3️⃣ புதிய கிளைம் விண்ணப்பத்தை சமர்ப்பிக்கவும்
UAN மெம்பர் போர்ட்டலில் சென்று Form 19, Form 10C அல்லது Form 31 தேர்ந்தெடுக்கவும்.
சரியான வங்கி கணக்கு விவரங்களை உள்ளிட்டு, தேவையான ஆவணங்களை பதிவேற்றவும்.
பதிவு செய்யப்பட்ட மொபைல் எண்ணுக்கு வரும் OTP மூலம் உறுதிப்படுத்தி, PF கிளைம் கோரிக்கையை மீண்டும் சமர்ப்பிக்கவும்.
