சினிமா செய்திகள்
ரஜினி-நெல்சன் படம் டிராப்பா? ரஜினி தரப்பினர் கூறியது என்ன தெரியுமா?
நெல்சன் இயக்கத்தில் விஜய் நடிப்பில் வெளியான ’பீஸ்ட்’ திரைப்படம் படுமோசமான விமர்சனத்தை பெற்று வரும் நிலையில் அடுத்ததாக நெல்சன் இயக்கத்தில் சூப்பர் ஸ்டார் ரஜினிகாந்த் நடிக்கவிருக்கும் ’தலைவர் 169’ உருவாகவுள்ளது.
இந்த நிலையில் ’பீஸ்ட்’ படம் படுதோல்வி அடையும் என்று எதிர்பார்க்கப்படுவதால் நெல்சனுக்கு ரஜினிகாந்த் வாய்ப்பு கொடுப்பாரா என்ற சந்தேகம் ஏற்பட்டுள்ளது.
இதுகுறித்து ரஜினி தரப்பினர் கூறியபோது ’பீஸ்ட்’ படத்தின் வெற்றி தோல்வி குறித்து கவலை இல்லை என்றும் ரஜினிக்கு அவர் கூறிய கதை பிடித்து விட்டதால் இந்த படம் கண்டிப்பாக உருவாகும் என்றும் அது மட்டுமின்றி இந்த படத்தில் ரஜினியின் தலையீடு எதுவும் இருக்காது என்றும் முழுக்க முழுக்க ஒரு நெல்சன் படமாக இருக்கும் என்றும் தெரிவித்து உள்ளனர் .
எனவே ’பீஸ்ட்’ தோல்வியால் ரஜினி – நெல்சன் படம் டிராப் இன்று சமூக வலைதளங்களில் வெளிவந்து கொண்டிருக்கும் கருத்து வதந்தி என்பது உறுதியாகியுள்ளது.