கலைஞர் மகளிர் உரிமைத் தொகை: 49% பெண்கள் வீட்டு உபயோகப் பொருட்கள் வாங்க பயன்படுத்துவதாக ஆய்வு!

தமிழ்நாடு அரசு செயல்படுத்தி வரும் ‘கலைஞர் மகளிர் உரிமைத் தொகை’ திட்டம் குறித்து, லண்டன் கிங்ஸ் கல்லூரி சார்பில் மேற்கொள்ளப்பட்ட ஆய்வில் முக்கிய தகவல்கள் வெளியாகியுள்ளன.

மாதம் ரூ.1,000 நிதி உதவி வழங்கப்படும் இந்த திட்டத்தின் மூலம், மாநிலம் முழுவதும் ஒரு கோடியுக்கும் மேற்பட்ட தகுதி வாய்ந்த குடும்பத் தலைவிகள் பயனடைந்து வருகின்றனர். இத்திட்டத்தின் தாக்கம் மற்றும் பயன்பாடு குறித்து அறிய, விருதுநகர், தருமபுரி, கோயம்புத்தூர், நாகப்பட்டினம், வேலூர், காஞ்சிபுரம் ஆகிய 6 மாவட்டங்களில் ஆய்வு நடத்தப்பட்டது.

ஆய்வின் முடிவுகள் படி, திட்டத்தின் மூலம் கிடைக்கும் பணத்தை 49% பெண்கள் வீட்டு உபயோகப் பொருட்களை வாங்க பயன்படுத்துவதாகவும், மருந்துகள் வாங்கும் செலவும் அதிகரித்துள்ளதாகவும் தெரியவந்துள்ளது.