சர்வதேச திரைப்பட விழா: ஒரே மேடையில் அமீர்கான், ஜாக்கிசான், ஜானி டெப்!

சீனாவில் நேற்று (டிசம்பர் 16) நடைபெற்ற ஹைனன் சர்வதேச திரைப்பட விழாவின் நிறைவு விழாவில் இந்திய நடிகர் ஆமீர் கான், சர்வதேச நடிகர் ஜாக்கி சான், ஹாலிவுட் நடிகர் ஜானி டெப் ஒரே மேடையில் பங்கேற்று ரசிகர்களை உற்சாகப்படுத்தினர்.

டிசம்பர் 9ம் தேதி சீனாவின் சான்யா பகுதியில் ஹைனன் சர்வதேச திரைப்பட விழா தொடங்கியது. இதன் நிறைவு விழா நேற்று நடைபெற்றது. இந்த விழாவில் திரைத்துறை ஜாம்பவான்களான அமீர்கான், ஜாக்கிசான், ஜானி டெப் கலந்து கொண்டனர். மேலும், ஜேம்ஸ்பாண்ட் திரைப்படமான கேசினோ ராயல் படத்தின் வில்லன் நடிகர் மேட்ஸ் மிக்கல்சனும் பங்கேற்றார்.

70 கோடி ரூபாயில் எடுக்கப்பட்ட தங்கல் படம் 2,112 கோடி வசூலை ஈட்ட சீனாவில் வெளியானது மிகப்பெரிய காரணமாகும். மேலும், 15 கோடி ரூபாயில் எடுக்கப்பட்ட சீக்ரெட் சூப்பர்ஸ்டார் திரைப்படம் 977 கோடி ரூபாயை வசூலித்ததும் குறிப்பிடத்தக்கது.

சீனாவில் டப் செய்யப்பட்டு வெளியான ஆமீர்கான் படங்கள் பாக்ஸ் ஆபிசில் கலக்கியதால், சீனாவில் ஆமீர்கானுக்கென தனி இடம் கிடைத்துள்ளதால், இந்த நிகழ்ச்சியை அவர் தொகுத்து வழங்கினார்.

ஜாக்கிசான், ஜானி டெப்புடன் அவர் கலந்துரையாடும் வீடியோக்களை தனது இன்ஸ்டாகிராம் பக்கத்தில் ஆமீர்கான் வெளியிட்டுள்ளார்.