வணிகம்
வெளிநாடுகளில் இருந்து எவ்வளவு தங்கத்தை வரி இல்லாமல் கொண்டு வரலாம்? – முழுமையான வழிகாட்டி
வெளிநாட்டிலிருந்து இந்தியாவுக்கு தங்கம் கொண்டு வருவதற்கான சட்ட மற்றும் சுங்க விதிமுறைகள்
தங்கத்தின் விலை நாளுக்குநாள் உயர்ந்துவருவதால், வெளிநாடுகளில் இருந்து இந்தியாவிற்கு தங்கம் கொண்டு வருதல், அதனைச் சார்ந்த சுங்கக் கட்டுப்பாடுகள் குறித்து மக்களில் அதிக ஆர்வம் ஏற்பட்டுள்ளது. குறிப்பாக, துபாய், லண்டன் போன்ற நாடுகளில் தங்கம் இந்தியாவைவிட 8–9% குறைவாக கிடைப்பதால், அதனை வாங்கி கொண்டு வரும் எண்ணம் அதிகரித்துள்ளது.
தங்கம் கொண்டு வருவது சட்டபூர்வமாக எப்படி?
இந்தியாவிற்கு திரும்பும் இந்தியப் பிரஜைகள், சில நிபந்தனைகளுடன் தங்கத்தை சட்டபூர்வமாக கொண்டு வர முடியும். இதில் முக்கியமானது:
அதிகபட்சம் 1 கிலோ வரை தங்கத்தை, சுங்க வரி செலுத்தி கொண்டு வர அனுமதி.
பயணிகள் குறைந்தபட்சம் 6 மாதங்கள் வெளிநாட்டில் தங்கியிருக்க வேண்டும்.
பாஸ்போர்ட், போர்டிங் பாஸ் மற்றும் வாங்கிய ரசீது போன்ற ஆவணங்கள் அவசியம்.
பாலின அடிப்படையிலான வரியில்லா வரம்புகள்:
| பயணிகள் | வரி இல்லாமல் அனுமதிக்கப்படும் தங்க மதிப்பு |
|---|---|
| ஆண்கள் | ரூ. 50,000 வரை (தங்க நகை வடிவில் மட்டுமே) |
| பெண்கள் | ரூ. 1,00,000 வரை (தங்க நகை வடிவில் மட்டுமே) |
தங்க கட்டிகள், மின்னனு வடிவங்கள் இவற்றில் அனுமதியில்லை. நகை வடிவிலானவை மட்டும்.
சுங்க வரி கட்டண விவரங்கள்:
| தங்க பரிமாணம் | ஆண்கள் – வரி | பெண்கள்/குழந்தைகள் – வரி |
|---|---|---|
| 20–50 கிராம் | 3% | – |
| 40–100 கிராம் | – | 3% |
| 100 கிராம் மேல் | 10% | 10% (200 கிராம் வரை) |
- துபாயில் 10 கிராம் தங்க விலை – ரூ. 82,000
- இந்தியாவில் அதே தங்கம் – ரூ. 90,000
சட்டப்பூர்வ ஆவணங்கள் அவசியம்!
ரசீது, வாங்கிய இடம் பற்றிய ஆதாரம்
சுங்கத்தில் சோதனைக்கு ஆவணங்கள் சமர்ப்பிக்க முடியாவிட்டால், தங்கம் பறிமுதல் செய்யப்பட வாய்ப்பு உள்ளது.
கடத்தல் வழியாக தங்கம் கொண்டுவரல் – கடுமையான தண்டனை
சமீபத்தில் கன்னட நடிகை ரன்யா ராவ், தங்கக் கடத்தலில் ஈடுபட்டதாக கைது செய்யப்பட்டார். இது திரையுலகத்திலும் தங்கக் கடத்தல் விவகாரத்திலும் பெரும் அதிர்வலை ஏற்படுத்தியது.
சுங்க விதிமுறைகள் அடிப்படையில் பயணிகள் தங்கம் கொண்டு வரலாம்.
வரம்புகளை மீறினால் சட்ட நடவடிக்கைக்கு ஆளாக வேண்டும்.
பாதுகாப்பான முதலீடாக தங்கம் கருதப்படும்; ஆனால் சட்டப்படி வாங்குவது மட்டுமே சிறந்தது.
