தங்க நகைகளை உருக்கி நேரடியாக பணம் தரும் ATM – ஷாங்காயில் அதிசய சேவை!

சீனாவின் ஷாங்காயில் தற்போது அறிமுகமான ஒரு புதிய தொழில்நுட்ப ATM உலகளவில் பரபரப்பை ஏற்படுத்தியுள்ளது. இது சாதாரண ATM அல்ல. இதில் நீங்கள் தங்க நகைகளை வைத்து, அதை உருக்கி, அதன் மதிப்பில் உரிய பணத்தை உங்கள் வங்கிக் கணக்குக்கு நேரடியாக அனுப்பும் வசதி உள்ளது.

இயந்திரத்தின் முக்கிய அம்சம் என்னவென்றால், தங்க நகைகள் ATM-ல் செலுத்தப்பட்டவுடன், 1,200 டிகிரி செல்சியஸ் வெப்பத்தில் தங்கம் உருக்கப்படுகிறது. தங்கத்தின் தூய்மை உடனடியாக கணிக்கப்பட்டு, தற்போதைய விலை காட்டப்படும். வங்கிக் கணக்கு விவரங்களை இணைத்தவுடன், அதற்கேற்ப பணம் மாற்றம் செய்யப்படும்.

இந்த யந்திரம் தற்போது ஷாங்காயில் இயங்கிக்கொண்டிருக்கிறது. இந்த அபூர்வ கண்டுபிடிப்பை முதலில் ட்விட்டரில் வெளியிட்டவர் துருக்கிய தொழில்நுட்ப நிபுணர் டான்சு யெகன். “தங்க ATM உங்கள் நகைகளை உருக்கி நேரடியாக பணமாக மாற்றுகிறது,” என அவர் தெரிவித்தார்.

சமூக ஊடகங்களில் இந்த ATM பற்றிய வீடியோக்கள் மற்றும் புகைப்படங்கள் மிக வேகமாக பரவி வருகின்றன. மக்கள் இதில் மிகவும் ஆர்வத்துடன் பங்கேற்று வருகின்றனர். இத்தகைய தொழில்நுட்ப வசதி மற்ற நகரங்களுக்கும் விரைவில் கிடைக்கும் என எதிர்பார்க்கப்படுகிறது.