EPS ஓய்வூதியம் அதிகரிக்கப் போகிறது? ரூ.3000 வரை உயர வாய்ப்பு – ஓய்வூதியதாரர்களுக்கு எதிர்பார்ப்பு அதிகம்!

EPS ஓய்வூதியதாரர்களுக்கு வரவேற்கத்தக்க நல்ல செய்தி விரைவில் வெளியாகும் என எதிர்பார்க்கப்படுகிறது.
கடந்த 2014ஆம் ஆண்டு ரூ.1000 ஆக நிர்ணயிக்கப்பட்ட குறைந்தபட்ச EPS ஓய்வூதியத் தொகை, இப்போது அதிகரிக்கப்படும் வாய்ப்பு பெரிதாகவே உள்ளது.

பணவீக்கமும், வாழ்க்கைச் செலவுகளின் உயர்வும் காரணமாக, மத்திய அரசு மற்றும் EPFO ஆகியவை EPS ஓய்வூதியத்தை அதிகரிப்பதை பரிசீலித்து வருகின்றன. தற்போது, EPS திட்டத்தில் ரூ.1000 முதல் ரூ.2000 வரை குறைந்தபட்ச ஓய்வூதியம் வழங்கப்படுகிறது. அதிகபட்ச ஓய்வூதியம் ரூ.7500 ஆகவே உள்ளது.

மத்திய அரசு விரைவில் EPS திருத்தம் குறித்து முக்கிய அறிவிப்பை வெளியிடலாம் என்று தகவல்கள் தெரிவிக்கின்றன. நாடாளுமன்ற குழுவும் இதை விரைவில் முடிக்க பரிந்துரை செய்துள்ளது. இதில், EPS ஓய்வூதியம் ரூ.3000 முதல் ரூ.9000 வரை உயரலாம் என்ற தகவல்களும் வெளியாகி உள்ளன.

ஆனால் இதுவரை மத்திய அரசு அல்லது EPFO சார்பில் அதிகாரப்பூர்வ அறிவிப்பு எதுவும் வரவில்லை. இதனால் ஓய்வூதியதாரர்கள் எதிர்பார்ப்புடன் இருக்கின்றனர்.

EPS திட்டத்தின் கீழ் ஊழியர்களும் நிறுவனங்களும் EPF கணக்கில் தவணை முறையில் தொகை செலுத்த, அதில் ஒரு பகுதி EPS-க்கு ஒதுக்கப்படுகிறது. பணவீக்கத்தைக் கருத்தில் கொண்டு, EPS ஓய்வூதியத்தை விரைவில் உயர்த்தும் முடிவை மத்திய அரசு எடுக்கும் என வட்டார தகவல்கள் தெரிவிக்கின்றன.