விஜயகாந்த் இல்லத்திற்கே சென்று நலம் விசாரித்த முதல்வர் ஸ்டாலின்!

தமிழக முதல்வர் முக ஸ்டாலின் அவர்கள் தேமுதிக தலைவர் விஜயகாந்தின் வீட்டிற்கு சென்று அவரிடம் உடல் நலம் விசாரித்தது பெரும் பரபரப்பை ஏற்படுத்தி உள்ளது

சமீபத்தில் நடைபெற்ற சட்டமன்ற தேர்தலில் அதிமுகவுடன் கூட்டணி வைக்க முயற்சித்த தேமுதிக, அதன்பின் தினகரனின் அணியுடன் கூட்டணி வைத்தது. அப்போது அதிமுக, திமுக ஆகிய இரண்டு கட்சிகளையும் சமமாக விமர்சனம் செய்தது என்பது குறிப்பிடத்தக்கது

ஆனால் அதே நேரத்தில் தேர்தலுக்குப்பின் திமுகவுடன் நெருக்கம் காட்டி வருவதாக தேமுதிக வட்டாரங்கள் கூறின. முதல்வர் முக ஸ்டாலின் நல்ல முறையில் ஆட்சி செய்வதாக பிரேமலதா விஜயகாந்த் கூட தெரிவித்திருந்தார் என்பது குறிப்பிடத்தக்கது

இந்த நிலையில் சற்றுமுன் விஜயகாந்தின் விருகம்பாக்கம் வீட்டிற்கு சென்று அவரை நேரில் சந்தித்த முதல்வர் முக ஸ்டாலின் அவர்கள் அவரிடம் உடல் நலம் விசாரித்தார். தேமுதிக தலைவர் விஜயகாந்தை முதலமைச்சர் முக ஸ்டாலின் நேரில் சென்று சந்தித்த சம்பவம் பெரும் பரபரப்பை ஏற்படுத்தி உள்ளது

இந்த சந்திப்பை மையமாக வைத்து வரும் காலத்தில் திமுகவுடன் தேமுதிக கூட்டணி வைக்க வாய்ப்பு இருப்பதாகவும் கூறப்படுவதால் அரசியல் வட்டாரத்தில் பரபரப்பு ஏற்பட்டுள்ளது.