சினிமா செய்திகள்
’கேஜிஎப் 3’ திரைப்படத்தில் இரண்டு ஹாலிவுட் பிரபலங்கள்: அப்ப ரூ.5000 கோடி வசூல் உறுதியா?
யாஷ் நடித்த கேஜிஎப் 2 திரைப்படம் ஆயிரம் கோடி ரூபாய் வசூல் செய்த நிலையில் விரைவில் இந்த படத்தின் மூன்றாம் பாகம் உருவாக உள்ளதாக கூறப்படுகிறது. இதற்கான பணிகள் தொடங்கி விட்டதாக தெரிகிறது .
இந்த நிலையில் கேஜிஎப் 2 திரைப்படத்தில் பாலிவுட் பிரபல நடிகர் சஞ்சய் தத் நடித்த நிலையில் ‘கேஜிஎப் 3’ திரைப்படத்தில் ஹாலிவுட் நடிகர்கள் நடிக்க இருப்பதாக கூறப்படுகிறது .
குறிப்பாக ஹாலிவுட்டில் ஒரு காலத்தில் வசூலில் கொடி கட்டிய அர்னால்ட் மற்றும் சில்வர்ஸ்டர் ஸ்டோலான் ஆகிய இருவரும் நடிக்க இருப்பதாகவும் இது குறித்த பேச்சுவார்த்தை நடைபெற்று வருவதாகவும் கூறப்படுகிறது.
ஏற்கனவே ரஜினியின் 2.0 படத்தில் அர்னால்ட் நடிப்பதற்கான பேச்சுவார்த்தை நடந்து அதன் பின்னர் அது கைகூடவில்லை. ஆனால் கேஜிஎப் 3 திரைப்படத்தில் நடிக்க இருவரும் ஒப்புக் கொள்வார்கள் என்று எதிர்பார்க்கப்படுகிறது.
இந்த செய்தி உண்மையாக இருந்தால் கேஜிஎப் 3 திரைப்படம் உலகம் முழுவதும் ரூ.5000 கோடி வசூல் செய்ய வாய்ப்பு இருப்பதாக கூறப்படுவதால் பெரும் பரபரப்பு ஏற்பட்டுள்ளது.