திருவாரூர் தொகுதியில் உதயநிதி ஸ்டாலின் போட்டியா? திமுகவின் திட்டம் என்ன?

சென்னை: திருவாரூர் தொகுதிக்கு விரைவில் இடைத்தேர்தல் நடத்தப்பட உள்ளது. இதில் உதயநிதி ஸ்டாலின் போட்டியிட வாய்ப்புள்ளதாக கூறப்படுகிறது.

திமுக தலைவர் கருணாநிதி எம்எல்ஏவாக இருந்த தொகுதியான திருவாரூர் தொகுதிக்கு விரைவில் இடைத்தேர்தல் நடத்தப்பட உள்ளது. அவர் மறைவு காரணமாக அந்த தொகுதி காலியானது.

கடந்த ஆகஸ்ட் 7ம் தேதி, திமுக தலைவர் கருணாநிதி உடல் நலக்குறைவு காரணமாக மரணம் அடைந்தார். இதற்கு இன்னும் 6 மாதங்களுக்குள் தேர்தல் வர உள்ளது.

திருவாரூர் தொகுதியில் உதயநிதி ஸ்டாலின் போட்டியா? திமுகவின் திட்டம் என்ன?

இந்த நிலையில்தான் திருவாரூர் தொகுதியில் ஸ்டாலினின் மகன், உதயநிதி ஸ்டாலின் திமுக சார்பாக போட்டியிட இருப்பதாக செய்திகள் வெளியான வண்ணம் உள்ளது. ஆனால் இதுகுறித்து உறுதியான அறிவிப்பு எதுவும் வெளியாகவில்லை.

அதே சமயம் பூண்டி கலைவாணன் அந்த தொகுதியில் நிற்க வைக்கப்பட வாய்ப்புள்ளதாகவும் கூறப்படுகிறது.