தமிழ்நாடு
வருமான வரி வட்டி வழக்கு: மேல்முறையீடு செய்ய சூர்யா முடிவு!
வருமான வரி தாமதத்திற்கான வட்டியை விலக்கு செய்ய வேண்டும் என்று சூர்யா பதிவு செய்த வழக்கு இன்று தள்ளுபடி செய்யப்பட்டதை அடுத்து இந்த தீர்ப்பை எதிர்த்து சூர்யா தரப்பில் மேல்முறையீடு செய்ய இருப்பதாக தகவல்கள் வெளிவந்துள்ளன.
நடிகர் சூர்யா வீட்டில் கடந்த 2010ஆம் ஆண்டு வருமான வரித்துறையினர் சோதனை செய்தனர். அப்போது இரண்டு ஆண்டுகளுக்கான வரியை மதிப்பீடு செய்து கூடுதல் வரியை கட்ட வேண்டும் என வருமான வரித்துறை உத்தரவு பிறப்பித்தது. இந்த உத்தரவை மேல்முறையீட்டு தீர்ப்பாயமும் முடிவு செய்தது.
இதனையடுத்து இந்த வழக்கில் 3 ஆண்டு கால தாமதம் ஆனதை அடுத்து காலதாமதமான ஆண்டுகளுக்கு ஒரு சதவீதம் வட்டி வசூலில் இருந்து விலக்கு அளிக்க வேண்டும் என்று சூர்யா தரப்பில் சென்னை ஐகோர்ட்டில் வழக்கு பதிவு செய்யப்பட்டது. இந்த வழக்கின் தீர்ப்பு இன்று வெளியான நிலையில் நடிகர் சூர்யாவின் மனுவை தள்ளுபடி செய்து நீதிபதி உத்தரவிட்டார்.
இந்நிலையில் சூர்யாவின் மனு தள்ளுபடி செய்யப்பட்டதை எதிர்த்து அவரது தரப்பு மேல்முறையீடு செய்ய இருப்பதாக தகவல் வெளிவந்துள்ளது. வரி மட்டும் வரிக்கான வட்டி அனைத்தையும் தங்கள் தரப்பில் இருந்து முழுமையாக கட்டி விட்டதாகவும் வட்டி பணம் ரூபாய் 56 லட்ச ரூபாயை திரும்ப பெறுவதில் மட்டுமே இந்த வழக்கு என்றும் இந்த வழக்கின் தீர்ப்பின் நகல் கிடைத்ததும் மேல்முறையீடு செய்ய இருப்பதாகவும் சூர்யா தரப்பிலிருந்து தகவல் வெளிவந்துள்ளது.
இந்த வழக்கின் தீர்ப்பு நகல் கிடைத்தவுடன் மேல்முறையீடு செய்ய இருப்பதாக சூர்யா தரப்பினர் தெரிவித்துள்ளதால் பெரும் பரபரப்பு ஏற்பட்டுள்ளது.
