50 சதவிகித இட வசதிதான் என்றாலும் வசூலை அள்ளிய மாஸ்டர்… சென்னையில் ஒரு நாள் வசூல் எவ்வளவு?

மாஸ்டர் படம் பொங்கல் பண்டிகையை ஒட்டி நேற்று வெளியானது. தமிழகத்தில் நிலவும் கொரோனா கட்டுப்பாடுகளின் அடிப்படையில் திரை அரங்குகள் திறக்கப்பட்டாலும் 50 சதவிகித இட வசதியை மட்டுமே உபயோகப்படுத்த வேண்டும் என மத்திய அரசு உத்தரவிட்டது.

இதையடுத்து 50 சதவிகித இட வசதி உடனான திரை அரங்குகளில் மக்கள் வழக்கம் போல் பொங்கல் மாஸ் திரைப்படத்தைக் காண சென்றனர். திரை அரங்குகளில் காட்சிகளை அதிகப்படுத்தினாலும் பழைய வருமானம் படத்துக்கு வருமா என்ற கேள்வி இருந்தது. கொரோனாவுக்கு முன்பு எல்லாம் ஒரு திரைப்படத்தின் வசூல் முதல் வாரத்திலேயே கணிக்கப்பட்டு ஹிட் படமா இல்லையா என்பது அறிவிக்கப்பட்டுவிடும்.

பெரிய நட்சத்திரங்களின் படங்கள் பண்டிகை காலங்களில் வெளியானால் ஒரே நாளில் 100 கோடி வசூல் என செய்தி வெளியாவது எல்லாம் கொரோனாவுக்கு முன்பு. ஆனால், கொரோனா கட்டுப்பாடுகளுடன் இருந்தாலும் மாஸ்டர் படம் எதிர்பார்த்த வசூலையே பெற்றுள்ளதாகக் கூறப்படுகிறது. சென்னையில் மட்டும் மாஸ்டர் படத்தின் வசூல் 1.21 கோடி ரூபாய் வசூல் ஆகியுள்ளதாக அறிவிக்கப்பட்டுள்ளது.