தொழில்நுட்பம்
ஆன்லைன் கேமிங்கில் கட்டுப்பாடு கடுமைபடும் – பணமோசடிக்கு எதிரான PMLA சட்டத்தின் கீழ் அரசின் புதிய நடவடிக்கை!
ஆன்லைன் கேமிங்கிற்கு ஆப்பு வைக்கும் மத்திய அரசு – பணமோசடிக்கு எதிரான நடவடிக்கையில் புதிய கட்டுப்பாடுகள்!
இந்தியாவில் ஆன்லைன் கேமிங் வளர்ச்சி பெருகிவருகின்ற நிலையில், இதில் கருப்புப் பணம் புழக்கப்படுவதால் ஏற்பட்ட சந்தேகங்களை ஒழிக்க மத்திய அரசு கடும் நடவடிக்கைகள் எடுத்து வருகிறது. Dream11, Games24x7, Winzo போன்ற பணம் அடிப்படையிலான கேமிங் நிறுவனங்களை 2002ம் ஆண்டு பணமோசடி தடுப்பு சட்டமான PMLA (Prevention of Money Laundering Act) ஆட்சி விதிகளின் கீழ் கொண்டு வர மத்திய நிதி அமைச்சகம் தற்போது இறுதி கட்டத்தில் திட்டமிட்டு உள்ளது.
PMLA சட்டத்தின் கீழ் ஏற்படும் மாற்றங்கள்:
ஆன்லைன் கேமிங் நிறுவனங்கள் அனைத்தும் “reporting entities” என வகைப்படுத்தப்படுகின்றன.
KYC முறைகள் கட்டாயம் செய்யப்படும்.
சந்தேகத்திற்கிடமான பரிவர்த்தனைகள் அரசுக்கு தகவலளிக்க வேண்டும்.
வாடிக்கையாளர் விவரங்கள், பரிவர்த்தனை பதிவு, கணக்குத் தகவல்கள் போன்றவை Financial Intelligence Unit-India (FIU-IND) எனப்படும் அரசு அமைப்புக்கு வழங்கப்பட வேண்டும்.
முக்கிய காரணம் – கருப்புப் பண பரிவர்த்தனை சந்தேகம்:
2023ல் 28% ஜிஎஸ்டி விதிக்கப்பட்டபின், கேமிங் துறையில் அரசு கண்காணிப்பு அதிகரித்தது. ஆன்லைன் கேமிங் செயலிகள் மூலம் வெளிநாட்டு பந்தயத்தளங்களில் 25 முதல் 30 பில்லியன் டாலர்கள் வரை கருப்புப் பணம் சுழற்சி செய்யப்படுவதாக அரசு கருதுகிறது.
பெரிய எண்ணிக்கையிலான பயனர்கள்:
FICCI மற்றும் EY அறிக்கையின்படி,
2024ல் இந்தியாவின் ஆன்லைன் கேமிங் வருவாய் $2.7 பில்லியன்
தினசரி ஆக்டிவ் பயனர்கள் 110 மில்லியனுக்கும் மேல்
கற்பனை விளையாட்டு, ரம்மி, போக்கர் போன்ற கேம்களில் 155 மில்லியன் பயனர்கள் ஈடுபட்டு வந்துள்ளனர்.
விதிகளை பின்பற்றாத வெளிநாட்டு நிறுவனங்கள்:
இந்திய நிறுவனங்கள் விதிகளை ஏற்கும் நிலையில் உள்ளன.
ஆனால் வெளிநாட்டு கேமிங் செயலிகள் முறைகளை பின்பற்றவில்லை என்பது முக்கிய பிரச்சினையாக உள்ளது.
அரசாங்கத்திடம் இவற்றைப் பற்றிய கட்டுப்பாடு இல்லாத நிலை தொடர்கிறது.
வலைத்தள தடைகள் நிரந்தர தீர்வல்ல:
2022–2025 காலப்பகுதியில், 1400க்கும் மேற்பட்ட தளங்களை அரசு தடை செய்துள்ளது.
ஆனால், புதிய டொமைன்கள் மூலம் மீண்டும் செயல்படுவதால், இது ஒரு நிரந்தர தீர்வாக அமையவில்லை என நிபுணர்கள் கூறுகின்றனர்.
ஐடி அமைச்சகம் முன்மொழிவுகளை நிராகரித்த நிலை:
2023 ஏப்ரலில் IT அமைச்சகம் ஆன்லைன் கேமிங்கிற்கான தனி ஒழுங்குமுறை அமைப்பை பரிந்துரைத்தது.
ஆனால், சில விதிகளில் முரண்பாடு இருப்பதால் அந்த திட்டங்கள் நிறைவேறவில்லை.
