‘தோனி அண்ணனுக்காக இந்த முறை கப் அடிச்சே ஆகணும்’- சிஎஸ்கே சின்ன தல சுரேஷ் ரெய்னா!

‘தோனி அண்ணனுக்காகவாவது இந்த முறை சிஎஸ்கே அணிக்காக கோப்பையை வென்றே ஆக வேண்டும்’ என சின்ன தல சுரேஷ் ரெய்னா தெரிவித்துள்ளார்.

ஸ்டார் ஸ்போர்ட்ஸ் சேனலில் சிஎஸ்கே அணியின் சின்ன தல என்று அழைக்கப்படும் சுரேஷ் ரெய்னா ஒரு பேச்சி அளித்திருந்தார். நேர்காணில் சுரேஷ் ரெய்னா பேசுகையில், “இந்த ஆண்டு சென்னை சூப்பர் கிங்ஸ் அணிக்காக நிச்சயம் வெற்றியைப் பெற்றுத் தர வேண்டும். நானும் தோனியும் இந்திய அணிக்காகவும் சிஎஸ்கே அணிக்காகவும் இணைந்து பல போட்டிகளை விளையாடி உள்ளோம்.

தோனி எனக்கு ஒரு மூத்த அண்ணனைப் போன்றவர். நாங்கள் இருவரும் இணைந்து பல வெற்றிகளைப் பெற்றிருக்கிறோம். பல தோல்விகளையும் இணைந்தே பெற்றிருக்கிறோம். சிஎஸ்கே அணிக்காக மட்டும் சுமார் 200 போட்டிகளுக்கு மேலாக விளையாடி இருக்கிறோம். அவரிடம் இருந்து நான் நிறையவே கற்றுக் கொண்டு இருக்கிறேன்.

தோனி மீது எனக்கு மிகுந்த மரியாதை உண்டு. இருவரும் பல தோல்விகளில் ஒன்றாக இருந்திருக்கிறோம். எந்த சூழலிலும் இருவருக்கும் இருக்கும் பரஸ்பர மரியாதை இருவருக்குள்ளிருந்தும் குறையவே இல்லை. அவருக்காக இந்த ஆண்டு நிச்சயமாக சென்னை சூப்பர் கிங்ஸ் அணிக்காக வெற்றிக் கோப்பையைப் பெற்றுத் தர வேண்டும்” எனக் குறிப்பிட்டுள்ளார்.