வைபவ் வாய்ஸ்க்கு என்னாச்சு?

மேயாத மான், சிக்ஸர் என தொடர்ந்து நல்ல கதைகளை தேர்வு செய்து நடித்து வருகிறார் வைபவ். அவரது நடிப்பில் உருவாகியுள்ள டாணா படத்தின் டீசர் தற்போது வெளியாகியுள்ளது.

யுவராஜ் சுப்ரமணி இயக்கத்தில், வைபவ், நந்திதா, யோகி பாபு நடிப்பில் உருவாகியுள்ள இந்த படத்திற்கு டாணா என பெயரிட்டுள்ளனர்.

அண்மையில் வைபவ் நடிப்பில் வெளியான சிக்ஸர் டீசரில் அவருக்கு மாலை 6 மணிக்கு மேல் கண் தெரியாது என சின்னதம்பி படத்தில் வரும் கவுண்டமணியின் போர்ஷனை வைத்து படமாக்கி இருந்தனர்.

இப்போது வெளியிட்டுள்ள டாணா படத்தில், அவருக்கு சோகமோ, கோவமோ வந்தால் திடீரென குரல் பெண் குரலாக மாறிவிடும் என புதிய காமெடி கதைக் களத்துடன் யுவராஜ் இறங்கி சிக்ஸர் அடிக்க உள்ளார்.

போலீஸ் அதிகாரிக்கு பெண் குரல் என்றால் எப்படி இருக்கும் என எண்ணி பார்த்தாலே சிரிப்பாக வரும், பழைய கவுண்டமணி காமெடியில் புலிக்குட்டி தம்பி பூனைக்குட்டி காமெடியில், கம்பீரமான போலீஸின் குரல் பெண் குரல் போல சித்தரிக்கப்பட்டு இருக்கும், அந்த இன்ஸ்பிரேஷனில் இந்த படம் உருவாகியுள்ளதா என்பதை பொறுத்திருந்து பார்ப்போம்.