தமிழ்நாடு சட்டமன்ற தேர்தல் 2026 சுவாரசியங்கள்

நேற்று வெளியான தமிழ்நாடு சட்டமன்ற தேர்தல் முடிவுகளில் பல்வேறு சுவாரசியமான சம்பவங்கள் இடம் பெற்றுள்ளன. அவற்றைக் காண்போமா…

1952 ம் ஆண்டில் தொங்கு சட்டசபை அமைந்த பிறகு தற்போது 2026 ல் தமிழ்நாட்டில் தொங்கு சட்டசபை அமைந்துள்ளது.

அதிகமான வாக்கு வித்தியாசத்தில் வென்ற வேட்பாளர்

சேலம் மாவட்டம் எடப்பாடி சட்டமன்ற தொகதி அதிமுக வேட்பாளர் திரு.கே.பழனிச்சாமி அவர்கள் தமிழ்நாட்டிலேயே அதிக வாக்கு (1,48,933 வித்தியாசத்தில் வெற்றி பெற்றுள்ளார். இவர் தமக்கு அடுத்தபடியாக வந்த தவெக ஆதரவு வேட்பாளரை விட 98110 வாக்குகள் அதிகமாக பெற்று அதிகமான வாக்கு வித்தியாசத்தில் வென்ற வேட்பாளர் என்ற சிறப்பு பெற்றுள்ளார்.

ஒரு வாக்கு வித்தியாசத்தில் தோற்ற முன்னாள்அமைச்சர்

சிவகங்கை மாவட்டம் திருப்பத்தூர் தொகுதி அதிமுக வேட்பாளர் முன்னால் அமைச்சர் பெரியகருப்பன் 83,364 வாக்குகள் பெற்று அங்கு வெற்றி பெற்ற (83,365) தவெக வேட்பாளர் சீனிவாச சேதுபதியை விட ஒரே ஒரு வாக்கு குறைவாக பெற்று தோல்வி அடைந்தார்.

தமிழ்நாட்டின் பல்வேறு தரப்பட்ட மக்களுக்கு பல்வேறு சலுகைகளை வழங்கி நன்மைகளை செய்திருந்தாலும் அறிமுகமே இல்லாத தவெக வேட்பாளர் வி.எஸ்.பாபுவிடம் தோற்றுப் போனார் தமிழ்நாடு முதலமைச்சர் மு.க.ஸ்டாலின் அவர்கள்.

அரசியல் அனுபவம் கொஞ்சமும் இல்லாத தவெக கட்சி 107 இடங்களை கைப்பற்றி 75 ஆண்டு காலம் அனுபவம் வாய்ந்த திமுகவையும் 50 ஆண்டு கால அனுபவம் வாய்ந்த அதிமுகவையும் அகில இந்தியாவையும் ஆட்டிப்படைக்கும் பாஜகவையும் மண்ணைக் கவ்வ வைத்து ஆட்சியை பிடிக்கும் அளவு கணிசமான வெற்றியை எட்டிப் பிடித்துள்ளது.

திமுக கூட்டணி பெற்ற மொத்த வாக்குகள் 1,54,07,967. இது 31.57%.

அதிமுக கூட்டணி பெற்ற மொத்த வாக்குகள் 1,32,84,090. இது 27.22%.

தவெக பெற்ற மொத்த வாக்குகள் 1,70,62,084. இது 34.96%.
நாதக பெற்ற மொத்த வாக்குகள் 19,49,367. இது 3.99%.

காங்கிரஸ் பெற்ற மொத்த வாக்குகள் 15,90,996. இது 3.67%.

பாமக பெற்ற மொத்த வாக்குகள் 9,59,890. இது 2.21%.

விசிக பெற்ற மொத்த வாக்குகள் 5,12,974. இது 1.18%.

தேமுதிக பெற்ற மொத்த வாக்குகள் 4,89,983. இது  1.12%.

அம்முக பெற்ற மொத்த வாக்குகள் 4,47,335. இது 1.03%.

பாஜக பெற்ற மொத்த வாக்குகள் 13,51,372. இது 3.12%.

இ.கம்யு.பெற்ற மொத்த வாக்குகள் 2,83,083. இது 0.65%.

மா.கம்யு. பெற்ற மொத்த வாக்குகள் 2,76,586. இது 0.64%.

ஐயுஎம்எல் பெற்ற மொத்த வாக்குகள் 1,41,055. இது 0.33%.

இந்த தேர்தலில் வென்ற 10 முஸ்லீம் எம்எல்ஏக்கள்

நாகப்பட்டினம்    –           ஜவாஹிருல்லா   –           திமுக

ஆம்புர்                     –           இம்தியாஸ்            –           தவெக

சிதம்பரம்               –           தமிமுன் அன்சாரி-         திமுக

அறந்தாங்கி          –           முகமது பர்வேஸ்-          தவெக

ராணிப்பெட்டை-           தாஹிரா                 –           தவெக

மயிலாடுதுறை    –           யுனுஸ்                     –           காங்கிரஸ்

பாபநாசம்              –           ஷாஜகான்             –           ஐயுஎம்எல்

வாணியம்பாடி    –           சையது பாரூக்    –           ஐயுஎம்எல்

மதுரை மத்தி        –           முஸ்தபா                –           தவெக

பாளையங்கோட்டை    வகாப்                      –           திமுக

தவெக ஒரு தொகுதி கூட வெற்றி பெறாத மாவட்டம்

கன்னியாகுமரி மாவட்டத்தில் உள்ள 6 சட்டமன்றத் தொகதிகளில் ஒரே ஒரு தொகுதிகளில் கூட தவெக வெற்றி பெறவில்லை. திமுக, அதிமுக, மா.கம்யு. தலா ஒரு தொகுதியும் காங்கிரஸ் 3 தொகுதியம் வென்றுள்ளன.

சட்டமன்ற தேர்லில் 108 இடங்களில் வென்ற நிலையில் தங்களை பதவி ஏற்க அழைக்குமாறு ஆளுநருக்கு தவெக தலைவர் விஜய் கடிதம் அனுப்பியுள்ளார். 2 வாரங்களில் பெரும்பான்மையை நிரூபிப்பதாக ஆளுநருக்கு அனப்பியுள்ள கடிதத்தில் விஜய் குறிப்பிட்டுள்ளார்.

திமுக 74 சீட். அதிமுக 53 சீட். 2 பேரும் சேர்ந்து ஆட்சி அமைத்தால் 2.5 வருடம் திமுக ஆட்சி. 2.5 வருடம் அதிமுக ஆட்சி. தமிழ்நாட்டில் சாத்தியமாகுமா?

முதல் இரண்டு வருடம் முதலமைச்சர் பதவி மற்றும் சபாநாயகர் பதவியை அதிமுகவிற்குக் கொடுத்தால் கூட்டணி பற்றி பரிசீலிக்கலாம் என எடப்பாடி தரப்பு விஜய் தரப்புக்கு நூல் விட்டிருப்பதாக தகவல்.

ஆண்களுக்கு விஜய் முதலமைச்சர். பெண்களுக்கு திரிஷா முதலமைச்சர் என இரு முதலமைச்சர்கள் பதவி ஏற்பார்களா?

என பல்வேறு ஊகங்களுக்கு இடையே அடுத்த சில நாள்கள் முதல் சில மாதங்கள் வரை தமிழ்நாட்டில் அரசியல் பரபரப்புகளுக்கு பஞ்சம் இருக்கப் போவதில்லை.