சினிமா செய்திகள்
அஜித் பிறந்தநாளில் தொடங்கும் ‘ஏகே62’ படப்பிடிப்பு!
நடிகர் அஜித் பிறந்தநாளன்று ‘ஏகே62’ படப்பிடிப்புத் தொடங்க இருக்கிறது.
‘துணிவு’ படத்திற்குப் பிறகு நடிகர் அஜித்தின் 62வது படப்பிடிப்பு எப்போது தொடங்கும் என்ற எதிர்பார்ப்பு ரசிகர்கள் மத்தியில் இருக்கிறது.
படத்தின் கதையில் திருப்தி இல்லாததால் முன்பு அஜித்தின் 62-வது படத்திற்காக இயக்குநராக அறிவிக்கப்பட்ட விக்னேஷ் சிவன் அதில் இருந்து விலக, இப்போது அந்த இடத்திற்கு மகிழ் திருமேனி வந்திருக்கிறார்.
இது குறித்தான அறிவிப்பு எப்போது வரும் என ரசிகர்கள் அப்டேட் கேட்டு காத்திருக்கும் நிலையில், இந்த மாதம் சித்திரைத் திருநாள் 14ம் தேதி பூஜையுடன் அறிவிப்பு வெளியிட இருக்கிறார்கள். இதனை அடுத்து அஜித்தின் பிறந்தநாளான மே 1ம் தேதி அன்று படப்பிடிப்பு ஆரம்பிக்க இருக்கிறது.
அஜித்தின் 62வது படத்தில் இருந்து விலகிய விக்னேஷ் சிவன் தற்போது பிரதீப் ரங்கநாதனை வைத்து தன்னுடைய ஆறாவது படத்தை இயக்க இருக்கிறார். இதில் நடிகை நயன்தாராவும் நடிக்க இருக்கிறார் என்பது குறிப்பிடத்தக்கது.