ஆரோக்கியம்
LDL கொலஸ்ட்ராலை எரித்து மாரடைப்பை தடுக்கும் சில சட்னி வகைகள்!
LDL கொலஸ்ட்ராலை எரித்து மாரடைப்பை தடுக்கும் சில சட்னி வகைகள்
மாரடைப்பை ஏற்படுத்தும் முக்கிய காரணிகளில் ஒன்று கொலஸ்ட்ராலின் அதிகரிப்பு ஆகும். நரம்புகளில் கொலஸ்ட்ராலின் அளவு அதிகரித்து, இரத்த நாளங்களை மூடுவதால், ரத்த ஓட்டம் தடைபட்டு மாரடைப்பு ஏற்படும். இன்றைய வாழ்க்கை முறை காரணமாக இதய நோய்களுக்கு மக்கள் அதிகமாக பாதிக்கப்படுகின்றனர். அதனால், கொலஸ்ட்ராலின் அளவைக் கட்டுப்படுத்துவதற்கான உணவுகள் மிகவும் அவசியமாகின்றன.
கொலஸ்ட்ராலைக் கட்டுப்படுத்த உதவும் சட்னி வகைகளை உங்கள் தினசரி உணவில் சேர்த்துக் கொள்வது இதய ஆரோக்கியத்தை பாதுகாக்க உதவும்.
தக்காளி சட்னி: தக்காளியில் உள்ள லைகோபீன், கெட்ட கொழுப்பு LDL கொலஸ்ட்ராலை எரித்து, அதை குறைக்க உதவுகிறது. தக்காளியில் உள்ள நார்ச்சத்து மற்றும் நியாசின் கொலஸ்ட்ராலை குறைக்க உதவுகிறது.
பூண்டு சட்னி: பூண்டில் உள்ள அல்லிசின், கொலஸ்ட்ராலைக் குறைத்து இதய ஆரோக்கியத்தை மேம்படுத்துகிறது. தினசரி 2 அல்லது 3-6 கிராம் பூண்டு சாப்பிடுவதன் மூலம், கொலஸ்ட்ரால் அளவு 10% குறையும் என்று பல ஆய்வுகள் காட்டுகின்றன.
கொத்தமல்லி சட்னி: கொத்தமல்லியில் உள்ள ஆன்டி-ஆக்ஸிடன்ட்கள், இரத்த அழுத்தத்தை கட்டுப்படுத்தி, LDL (கெட்ட) கொழுப்பை குறைத்து, HDL (நல்ல) கொழுப்பை அதிகரிக்க உதவுகிறது.
புதினா சட்னி: புதினா ஆன்டி-ஆக்ஸிடன்ட்களின் சக்தி வாய்ந்த மூலமாகும். இது கொழுப்பை கரைத்து, இதய ஆரோக்கியத்தை மேம்படுத்த உதவுகிறது. புதினா உணவிற்கு சுவையைச் சேர்க்கும் ஒரு சூப்பர் சட்னியாக உள்ளது.
கொலஸ்ட்ராலைக் கட்டுப்படுத்த, வெண்ணெய், நெய், இறைச்சி, பாலாடைக்கட்டி, பால் பொருட்கள், ஐஸ்கிரீம், தேங்காய் எண்ணெய் போன்ற ஆரோக்கியமற்ற கொழுப்பு நிறைந்த உணவுகளை தவிர்க்கவும்.
