சிவகார்த்திகேயனுக்கு வில்லன் இவரா? செக காமெடி என ரசிகர்கள் குஷி!

சிவகார்த்திகேயன் நடித்து வரும் தமிழ் தெலுங்கு திரைப்படமான எஸ்கே 20 என்ற திரைப்படத்தின் படப்பிடிப்பு தற்போது விறுவிறுப்பாக நடைபெற்று வருகிறது. இந்த படத்தை பிரபல தெலுங்கு இயக்குனர் அனுதீப் இயக்கி வருகிறார் என்பதும் இந்த படத்தில் உக்ரைன் நாட்டின் நடிகை மரியா மற்றும் ராஷிகன்னா ஆகியோர் நடித்து வருகின்றனர் என்பது குறிப்பிடத்தக்கது. மேலும் இந்த திரைப்படத்தில் சிவகார்த்திகேயன் அப்பாவாக சத்யராஜ் நடித்து வருகிறார் .

இந்த நிலையில் இந்த படத்தில் பிரேம்ஜி ஒரு முக்கிய கேரக்டரில் நடிப்பதாக அறிவிக்கப்பட்டிருந்த நிலையில் தற்போது அவர்தான் இந்த படத்தின் வில்லன் என்று வெளியாகியிருக்கும் தகவல் அதிர்ச்சியை ஏற்படுத்தியுள்ளது.

இதுவரை காமெடி வேடங்களில் மட்டுமே நடித்து வந்த பிரேம்ஜி திடீரென இந்த படத்திற்கு வில்லன் என கேள்வி எழுப்பிய நிலையில் படக்குழுவினர் அதற்கு பதில் என்னவெனில் இது முழுக்க முழுக்க ஒரு காமெடி படம் என்றும் இந்த படத்தில் பிரேம்ஜியும் ஒரு காமெடி வில்லனாகவே நடிக்க இருப்பதாகவும் கூறியுள்ளனராம் .

சிவகார்த்திகேயன் இந்த படத்தில் டூரிஸ்ட் கைடாக நடித்துக் கொண்டிருக்கும் நிலையில் அவருக்கு டார்ச்சர் கொடுக்கும் நெகட்டிவ் கேரக்டர் தான் பிரேம்ஜிக்கு என்று கூறப்படுகிறது. இந்த படத்திற்கு தமன் இசையமைக்கிறார்.