சினிமா
உடம்பு முடியாத நிலையிலும் கீர்த்தி சுரேஷுக்கு இப்படியொரு உதவி செய்த சமந்தா? நடிகையர் திலகம் நட்பு!
நடிகை சமந்தா மயோசிடிஸ் நோயால் பாதிக்கப்பட்ட நிலையில், சமூக வலைதளங்களில் பெரிதாக ஆக்டிவாக இல்லை. ஆனால், தனது படங்களின் ரிலீஸ் பற்றிய அப்டேட்களை மட்டும் அவ்வப்பொது வெளியிட்டு வருகிறார். இந்நிலையில், நடிகை கீர்த்தி சுரேஷின் புதிய படத்தின் டைட்டில் போஸ்டரை தற்போது வெளியிட்டு உதவி செய்துள்ளார் நடிகை சமந்தா.
இயக்குநர் சந்துரு இயக்கத்தில் நடிகை கீர்த்தி சுரேஷ் அடுத்து ரிவால்வர் ரீட்டா படத்தில் நடிக்க உள்ளார். அதன் அதிகாரப்பூர்வ அறிவிப்பை தான் தற்போது நடிகை சமந்தா தனது ட்விட்டர் பக்கத்தில் வெளியிட்டுள்ளார்.
உமன் சென்ட்ரிக் படங்களில் தொடர்ந்து கவனம் செலுத்தி வருகிறார் நடிகை கீர்த்தி சுரேஷ். கடந்த ஆண்டு கீர்த்தி சுரேஷ், செல்வராகவன் நடிப்பில் வெளியான சாணிக் காயிதம் படம் ஓடிடி ரசிகர்களை வெகுவாக கவர்ந்தது. இந்நிலையில், தனது அடுத்த உமன் சென்ட்ரிக் படத்தின் அறிவிப்பை வெளியிட்டுள்ளார் கீர்த்தி சுரேஷ்.
விஜய், சூர்யா உள்ளிட்ட முன்னணி நடிகர்களுடன் நடித்து வந்த நடிகை கீர்த்தி சுரேஷுக்கு புதிதாக பெரிய நடிகர்களுடன் நடிக்கும் வாய்ப்புகள் குறைந்து விட்டது. உதயநிதி ஸ்டாலின் உடன் அவர் இணைந்து நடித்துள்ள மாமன்னன் திரைப்படம் இந்த ஆண்டு வெளியாக காத்திருக்கிறது.
சமீபத்தில் ரகு தாத்தா எனும் படத்தில் நடித்து வருவதாக அறிவிப்பு வெளியான நிலையில், தற்போது அடுத்த பட அறிவிப்பை வெளியிட்டுள்ளனர். நடிகை சமந்தாவும் கீர்த்தி சுரேஷும் ஒன்றாக இணைந்து நடிகையர் திலகம் மற்றும் சீமராஜா உள்ளிட்ட படங்களில் நடித்துள்ள நிலையில், அந்த நட்பு காரணமாக தற்போது இந்த போஸ்டரை நடிகை சமந்தா வெளியிட்டுள்ளார்.