உலகம்
இந்தியா இந்த 3-ம் செய்தால் அனு ஆயுதத்தை பயன்படுத்துவோம் என பாகிஸ்தான் அறிவிப்பு!
பாகிஸ்தான் தொடர்ந்து இந்தியாவுக்கு எதிராக அணு தாக்குதல் மிரட்டலை விடுத்து வருகிறது. இந்தியாவின் ஆபரேஷன் சிந்தூர் நடவடிக்கையில் கடுமையான தோல்வியைச் சந்தித்த பின், பாகிஸ்தான் தலைமைத்துவம் ஆவேசமான எச்சரிக்கைகளை வெளியிட்டு வருகிறது.
சமீபத்தில் பாகிஸ்தான் பிரதமர் ஷெஹ்பாஸ் ஷெரீப்பின் நெருங்கிய உதவியாளர் மற்றும் மூத்த பத்திரிகையாளர் நஜம் சேதி, பாகிஸ்தான் அணு ஆயுதங்களை எந்த மூன்று சூழ்நிலைகளில் பயன்படுத்தும் என்பதைக் குறிப்பிட்டுள்ளார்.
அவர் கூறியவாறு,
இந்தஸ் நீர்வழங்கல் உடன்படிக்கை (Indus Waters Treaty) ரத்து செய்யப்பட்டு, பாகிஸ்தானுக்கு நீர் கிடைக்காமல் போனால்
இந்திய கடற்படை கராச்சியை மறித்து, பொருட்களின் போக்குவரத்தை நிறுத்தினால்
இந்திய ராணுவம் பாகிஸ்தானுக்குள் நுழைந்து, கராச்சி – லாகூர் பகுதிகளை துண்டிக்க முயன்றால்
இந்த சூழ்நிலைகளில் பாகிஸ்தான் அணு தாக்குதல் நடத்தும் என்று அவர் எச்சரித்துள்ளார். மேலும், “இந்தியா அணைகளை கட்டி எங்கள் நீரை நிறுத்த முயன்றால், நாங்கள் ஒரே ஏவுகணையால் அல்ல, பத்து ஏவுகணைகளால் அதை அழித்துவிடுவோம்” எனக் கூறியுள்ளார்.
இந்தியாவின் நடவடிக்கைகள்
பால்காம் தாக்குதலுக்குப் பிறகு, இந்தியா இந்தஸ் நீர்வழங்கல் உடன்படிக்கையை ரத்து செய்தது. இதனால் பாகிஸ்தான் தண்ணீருக்கு தவிக்கும் நிலைக்கு தள்ளப்பட்டுள்ளது. மேலும், ஆபரேஷன் சிந்தூர் நடவடிக்கையில், இந்தியா பாகிஸ்தானின் 9 தீவிரவாத முகாம்களை அழித்து, 100-க்கும் மேற்பட்ட தீவிரவாதிகளை சுட்டுக் கொன்றது.
இதனால் பாகிஸ்தான் கோபத்தில் இந்தியாவுக்கு எதிராக அணு மிரட்டலை தொடர்ந்து விடுத்து வருகிறது.
