வெற்றிமாறனின் ‘விடுதலை’ படப்பிடிப்பில் விபத்து.. பலியான பிரபலம் இவரா?

வெற்றிமாறன் இயக்கத்தில் சூரி மற்றும் விஜய் சேதுபதி இணைந்து நடித்து வரும் ‘விடுதலை’ திரைப்படத்தின் படப்பிடிப்பு விறுவிறுப்பாக நடைபெற்று வருகிறது என்பது தெரிந்ததே.

இரண்டு பாகங்களாக உருவாகி வரும் இந்த படத்தின் முதல் பாகத்தின் படப்பிடிப்பு முடிவடைந்து விட்டது என்பதும் இரண்டாம் பாகத்தின் படப்பிடிப்பு தற்போது நடைபெற்று வருகிறது என்பதும் குறிப்பிடத்தக்கவை.

இந்த நிலையில் ‘விடுதலை’ படத்தின் முக்கிய சண்டை காட்சி ஒன்று கேளம்பாக்கம் அருகே செட் போட்டு படமாக்கப்பட்டு வரும் நிலையில் இந்த செட்டில் திடீரென ஒரு விபத்து ஏற்பட்டுள்ளது.

ஸ்டண்ட் பயிற்சியாளர் ஒருவர் ரோப்பில் தொங்கி கொண்டே நடித்து கொண்டிருந்தபோது திடீரென ரோப் அறுந்து விழுந்ததால் அவர் சம்பவ இடத்திலேயே பரிதாபமாக பலியானதாக கூறப்படுகிறது.

இதனை அடுத்து இது குறித்து விசாரணை நடந்து வருவதாக தெரிகிறது. வெற்றிமாறனின் ‘விடுதலை’ படப்பிடிப்பு திடீரென விபத்து ஏற்பட்டு அதில் ஒரு உயிர் பலியாகி இருப்பது படக்குழுவினர் மத்தியில் பெரும் அதிர்ச்சியாக உள்ளது என்பது குறிப்பிடத்தக்கது.