ஒரே படத்தில் தோனி-நயன்தாரா; ரஜினியும் இணைகிறாரா?

ஒரே படத்தில் சென்னை சூப்பர் கிங்ஸ் அணியின் கேப்டன் தோனி மற்றும் நயன்தாரா இணைய இருப்பதாக தகவல் வெளியாகி உள்ள நிலையில் இந்த படத்தில் ரஜினிகாந்த் சிறப்பு தோற்றத்தில் நடிக்க வாய்ப்பு இருப்பதாக கூறப்படுகிறது.

சென்னை சூப்பர் கிங்ஸ் அணியின் கேப்டன் தோனி விரைவில் ஒரு தமிழ் திரைப்படத்தை தயாரிக்கவுள்ளார். இதற்காக ஒரு நிறுவனத்தை அவர் தொடங்கி விட்டதாகவும் இந்த நிறுவனத்தின் மேலாளராக ரஜினிகாந்தின் முன்னாள் உதவியாளர் சஞ்சய் என்பவர் நியமனம் செய்யப்பட்டு இருப்பதாகவும் தகவல் வெளியாகி உள்ளது.

தோனியின் இந்த நிறுவனம் தயாரிக்கும் முதல் திரைப்படம், தமிழ் திரைப்படம் என்றும் இந்த திரைப்படத்தில் நயன்தாரா முக்கிய கேரக்டரில் நடிக்க இருப்பதாகவும் கூறப்படுகிறது. மேலும் இந்த திரைப்படத்தில் ரஜினிகாந்த் சிறப்பு தோற்றத்தில் நடிக்க வாய்ப்பு இருப்பதாகவும் இந்த படம் குறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது.

இந்த ஆண்டுடன் ஐபிஎல் தொடரில் இருந்து ஓய்வு பெற்ற திட்டமிட்டிருக்கும் தோனி அடுத்து திரைப்படங்கள் தயாரிப்பதில் தீவிரமாக இறங்கவுள்ளதாக கூறப்படுகிறது.