மையோசிடிஸ் பாதிப்பு: குணமடைந்தாரா சமந்தா?

மையோசிடிஸ் நோய் பாதிப்பில் இருந்து நடிகை சமந்தா முழுமையாக குணமடைந்தாரா என்பது குறித்து பேசி இருக்கிறார்.

நடிகை சமந்தா மையோசிடிஸ் எனப்படும் தசை அழற்சி நோயால் பாதிக்கப்பட்டு இருக்கிறார். இதற்கான தீவிர சிகிச்சையில் இருக்கும் சமந்தா, படங்கள் நடிப்பதில் இருந்து சிறிது காலம் விலகி இருக்கப் போவதாகவும் தகவல் வெளியானது. ஆனால், இப்போது மீண்டும் உடற்பயிற்சி, படங்கள் புரோமோஷன், வெப்சீரிஸூக்கான கடுமையான பயிற்சி என பிஸியாக இருக்கிறார் சமந்தா.

இந்த நிலையில், அடுத்த மாதம் அவர் நடித்துள்ள ‘சாகுந்தலம்’ படம் வெளியாக இருக்கிறது. சமீபத்தில் படம் பார்த்துவிட்டு தனது மகிழ்ச்சியை வெளிப்படுத்திய சமந்தா இதற்கான, புரோமோஷன் பணிகளில் தீவிரமாக ஈடுபட்டு வருகிறார். அப்படி சமீபத்தில் கொடுத்தப் பேட்டியில் தனது மையோசிடிஸ் நோய் குறித்து மனம் திறந்துள்ளார். அவர் கூறியிருப்பதாவது, ‘மையோசிடிஸ் நோய் இன்னும் எனக்கு முழுமையாக குணமடையவில்லை.

அதற்கான சிகிச்சை எடுத்துக் கொண்டுதான் இருக்கிறேன். இருந்தாலும், முன்பு இருந்ததற்கு இப்போது நிறையவே தேறி இருக்கிறேன். சீக்கிரமே இந்த நோயின் பாதிப்பில் இருந்து முழுமையாக மீண்டு வருவேன்’ என நம்பிக்கையுடன் பேசி இருக்கிறார் சமந்தா.