வணிகம்
மைக்ரோசாப்ட் பயனாளர்களுக்கு ஷாக் – மே 5ல் ஸ்கைப் சேவைகள் நிறைவு அறிவிப்பு!
மைக்ரோசாப்ட் நிறுவனம் தனது பிரபலமான தகவல் தொடர்பு செயலியான ஸ்கைப் (Skype) சேவையை முடிக்க இருப்பது பயனாளர்களிடம் அதிர்ச்சியை ஏற்படுத்தியுள்ளது.
வீடியோ அழைப்பு, குரல் அழைப்பு, உடனடி செய்தியிடல் மற்றும் கோப்பு பகிர்வு போன்ற வசதிகளை கொண்ட ஸ்கைப், கடந்த இரண்டு தசாப்தங்களாக பலராலும் பயன்படுத்தப்பட்ட ஒரு முக்கியமான செயலியாக இருந்தது. ஆனால் கொரோனா வைரஸ் பரவலுக்குப் பிறகு Zoom, WhatsApp, Google Meet உள்ளிட்ட செயலிகள் அதிகம் பயன்படுத்தப்பட்டதால், ஸ்கைப் பயன்பாடு படிப்படியாக குறைந்துவந்தது.
இந்நிலையில், மே 5, 2025 முதல் ஸ்கைப் ஆன்லைன் சேவைகள் முடிவடைகின்றன என மைக்ரோசாப்ட் அதிகாரப்பூர்வமாக அறிவித்துள்ளது. இதன் காரணமாக, இனி ஸ்கைப் மூலம் வீடியோ மற்றும் குரல் அழைப்புகளை மேற்கொள்ள முடியாது.
மேலும், மைக்ரோசாப்ட் டீம்ஸ் (Microsoft Teams) செயலியை மேலும் மேம்படுத்தி வளர்ச்சிக்கொண்டு செல்லும் நோக்கத்தில் இந்த முடிவு எடுக்கப்பட்டுள்ளதாகவும், பயனாளர்கள் தங்களுடைய ஸ்கைப் கணக்குகளை டீம்ஸ் செயலியுடன் இணைத்துக்கொள்ளும் வசதி வழங்கப்படுவதாகவும் தெரிவித்துள்ளது.
