சினிமா செய்திகள்
பொன்னியின் செல்வன் ரிலீஸ் தேதியை அறிவித்த லைகா: ரசிகர்கள் குஷி!
மணிரத்னம் இயக்கத்தில் லைகா நிறுவனத்தின் தயாரிப்பில் உருவாகி வரும் பொன்னியின் செல்வன் திரை படத்தின் அதிகாரபூர்வ ரிலீஸ் தேதி அறிவிக்கப்பட்டு உள்ளது.
அமரர் கல்கி எழுதிய சரித்திர நாவலான பொன்னியின் செல்வன் நாவலை திரைப்படமாக எடுக்க எம்ஜிஆர் சிவாஜி கமல் உள்பட பலர் முயற்சித்த போதிலும் தற்போது மணிரத்னம் அதை செய்து காட்டியுள்ளார்.
இந்த படத்தின் முதல் பாகத்தின் படப்பிடிப்பு முடிவடைந்த நிலையில் இந்த படம் இந்த ஆண்டு செப்டம்பர் 30-ஆம் தேதி வெளியாகும் என அறிவிக்கப்பட்டுள்ளது. லைக்கா நிறுவனத்தின் தலைவர் அல்லிராஜா சுபாஸ்கரன் அவர்களின் பிறந்தநாள் இன்று கொண்டாடப்படுவதை அடுத்து இந்த படத்தின் ரிலீஸ் தேதி அறிவிக்கப்பட்டு உள்ளது.
மேலும் இன்று வெளியாகியுள்ள போஸ்டரில் திரிஷாவின் குந்தவை கேரக்டரின் கெட்டப் உள்ளதை அடுத்து அந்த போஸ்டர் தற்போது இணையதளங்களில் வைரலாகி வருகிறது .
இந்தியாவின் மிகப்பெரிய பொருட்செலவில் எடுக்கப்பட்ட திரைப்படங்களில் ஒன்றான பொன்னியின் செல்வன் திரைப்படத்தின் ரிலீஸ் தேதி அறிவிக்கப்பட்டுள்ளதால் ரசிகர்கள் குஷியில் உள்ளனர்.
Wishing our Chairman Allirajah Subaskaran a very happy birthday! The Golden Era comes to the big screens on Sept 30th! ????#PS1 #PS1FirstLooks @madrastalkies_ @trishtrashers pic.twitter.com/OmiszBza06
— Lyca Productions (@LycaProductions) March 2, 2022