காதலர் தினத்தில் நிச்சயம் செய்து கொண்ட லார்ட் ஆஃப் தி ரிங்ஸ் நடிகர்!

ஹாலிவுட் நடிகர் ஆர்லாண்டோ ப்ளூம் – பாடகி கேத்தி பெர்ரி நிச்சயதார்த்தம் காதலர் தினத்தன்று கோலாகலமாக நடைபெற்றது.

டிராய், லார்ட் ஆஃப் தி ரிங்ஸ், பைரேட்ஸ் ஆஃப் தி கரீபியன் உள்ளிட்ட படங்களில் இரண்டாவது நாயகனாக நடித்தவர் ஹாலிவுட் நடிகர் ஆர்லாண்டோ ப்ளூம். அவருக்கும் பிரபல அமெரிக்க பாடகி கேத்தி பெர்ரிக்கும் காதலர் தினத்தன்று நிச்சயதார்த்தம் நடந்து முடிந்துள்ளது.

நீண்ட நாட்களாக காதலித்து வந்த இந்த ஹாலிவுட் ஜோடி, காதலர் தினத்தன்று புதிய வாழ்க்கையில் இணைய உள்ளதை உறுதி படுத்தும் விதமாக நிச்சயம் செய்து கொண்டனர்.

நிச்சயதார்த்தத்தின் அடையாளமாக கேத்தி பெர்ரிக்கு, விலை உயர்ந்த பிங்க் நிற வைர மோதிரத்தை ஆர்லாண்டோ ப்ளூம் கேத்தியின் கை விரலில் அணிவித்தார்.

இன்ஸ்டாகிராமில் வெளியிடப்பட்ட நிச்சயதார்த்த புகைப்படங்கள் ரசிகர்கள் மத்தியில் வைரலாக பகிரப்பட்டு வருகின்றன.