சினிமா
கள்ளச்சிரிப்பு சிரிக்கும் இளைஞர்கள்
ஆன்லைன் தொடர்கள் வருவது இப்போதைய ட்ரெண்டாக உள்ளது. சமீபத்தில் ‘லிவிங்’, ‘அஸ் ஐ ஆம் ஸஃபரிங் ஃப்ரம் காதல்’, ‘ஹாஃப் பாயில்’ போன்ற தொடர்கள் யூ-ட்யூபில் வெளியாகி இளைஞர்களிடம் சக்கை போடு போட்டன.
அந்த ட்ரெண்டில் தற்போது ‘ஜீ 5’ என்ற செயலியை பதிவிறக்கம் செய்து கொண்டால் அதில் சந்தா கட்டி இது போன்ற ஆன்லைன் தொடர்களையும் கண்டு களிக்கலாம்.
அப்படி அந்த செயலியில் வந்ததுதான் ‘கள்ளச்சிரிப்பு’ என்ற தொடர். கணவன்- மனைவிக்கு இடையில் நடக்கும் தகராறே கதையின் மையக் கரு. சுவாரஸ்யமாக இளைஞர்களின் ரசனைக்கேற்ப காட்சிகளை அமைத்திருக்கிறார்கள்.
‘லிவிங்’ தொடரில் நடித்த அம்ருத
ஸ்ரீனிவாசன் இதில் கதாநாயகியாக நடிக்க, இத்தொடரை இயக்குநர் கார்த்திக் சுப்புராஜ் தயாரித்துள்ளார். இத்தொடர் இளைஞர்களிடையே பெரிய வரவேற்பைப் பெற்றிருக்கிறது.
